స్టైలిష్ స్టార్ అల్లు అర్జున్ హీరోగా వక్కంతం వంశీ దర్శకత్వంలో తెరకెక్కుతోన్న 'నా పేరు సూర్య నా ఇల్లు ఇండియా' చిత్రంలో బిగ్ బాస్ బ్యూటీ ఐటమ్ సాంగ్ చేసింది. బిగ్ బాస్ బ్యూటీ అనగానే తెలుగు షో కంటెస్ట్ అనుకునేరు. కాదు... బాలీవుడ్ బిగ్ బాస్ షో లో కంటెస్ట్ గా వ్యవహరించిన గ్రీక్ బ్యూటీ ఎల్లీ అవరామ్ 'నా పేరు సూర్య నా ఇల్లు ఇండియా' లో ఐటమ్ సాంగ్ చేసింది. ఈ ఐటమ్ సాంగ్ గురించి అమ్మడు బయటికి చెప్పేసింది.
ఈ ఐటమ్ పాటకు ఎల్లీ మాత్రమే కాలు కదిపిందట. అల్లు అర్జున్ ఆమెతో డ్యాన్స్ చేయలేదు. ఐటమ్ సాంగ్ సిట్యువేషన్ ప్రకారం హీరో ఉండాల్సిన అవసరంలేదట. అందుకే ఎల్లీ మాత్రమే డ్యాన్స్ చేసింది. ఈ విషయాన్ని స్వయంగా ఎల్లీ అవరామ్ చెప్పింది. అలాగే ''అల్లు అర్జున్ 'సీటీ మార్.. సిటీ మార్...' సాంగ్ ని చాలా ఎంజాయ్ చేసానని కూడా ఈ బ్యూటీ చెప్పింది. బాలీవుడ్ మ్యూజిక్ డైరెక్టర్స్ విశాల్-శేఖర్ ఈ చిత్రానికి సంగీతం సమకూర్చారు. లగడపాటి శ్రీధర్, మెగాబ్రదర్ నాగబాబు నిర్మిస్తున్న ఈ సినిమా మే 4న థియేటర్స్ కి రానుంది.