అఖిల్ అక్కినేని 3వ సినిమా 'తొలిప్రేమ' ఫేం వెంకీ అట్లూరి దర్శకత్వంలో తెరకెక్కనున్న విషయం తెలిసిందే. ఈ సినిమా రెగ్యులర్ షూటింగ్ ఈ నెల 29 నుంచి ఆరంభంకానుంది. కాగా ప్రస్తుతం ఈ చిత్రం టీమ్ లొకేషన్స్ ని ఫైనలైజ్ చేయడానికి లండన్ వెళ్లింది. ఫస్ట్ షెడ్యూల్ లండన్ లోనే ఆరంభించబోతున్నారట. దాంతో అఖిల్ తో పాటు ఈ చిత్రంలో హీరోయిన్ గా నటించనున్న నిధి అగర్వాల్ ఇతర నటీనటులు లండన్ వెళ్లడానికి ఏర్పాట్లు చేసుకుంటున్నారట. ఇదిలా ఉంటే...
ఈ చిత్రానికి తమన్ సంగీతం అందిస్తున్నాడు. ఆల్ రెడీ కొన్ని ట్యూన్స్ ని కూడా రెడీ చేసాడట. వెంకీ అట్లూరి దర్శకత్వంలో రూపొందిన 'తొలిప్రేమ' చిత్రం సక్సెస్ కి తమన్ అందించిన పాటలు ఓ కారణం. 'తొలిప్రేమ' తో సక్సెస్ అందుకున్న వెంకీ, తమన్ తో టై అప్ అవ్వడం తన మూడో సినిమాకి కలిసొచ్చే అంశమని భావిస్తున్నాడట అఖిల్. సో... ఈ సక్సెస్ ఫుల్ టీం అఖిల్ కి ఏ రేంజ్ విజయాన్ని ఇస్తుందో వేచి చూద్దాం.