ఫ్యామిలీ కోసం ఎన్టీఆర్ ఎక్కడికి వెళుతున్నాడా అనుకుంటున్నారా... రియల్ లైఫ్ ఫ్యామిలీ కోసం కాదండీ... రీల్ లైఫ్ ఫ్యామిలీ కోసం ఎన్టీఆర్ వరంగల్ వెళుతున్నాడు. త్రివిక్రమ్ శ్రీనివాస్ దర్శకత్వంలో ఎన్టీఆర్ హీరోగా తెరకెక్కుతోన్న 'అరవిందసమేత వీరరాఘవ' చిత్రం ఇప్పటికే 50 శాతం షూటింగ్ పూర్తి చేసుకుంది. దసరా కానుకగా ఈ సినిమాని విడుదల చేయడానికి ప్లాన్ చేస్తున్నారు. ఈ నేపధ్యంలో ఏ మాత్రం గ్యాప్ తీసుకోకుండా ఈ సినిమా షూటింగ్ చేస్తున్నారు. కాగా తాజా వార్తల ప్రకారం తదుపరి షెడ్యూల్ ని వరంగల్ లో ప్లాన్ చేసారట డైరెక్టర్ త్రివిక్రమ్.
'అరవిందసమేత వీరరాఘవ' రామలసీమ బ్యాక్ డ్రాప్ లో తెరకెక్కుతోంది. ఫ్యాకన్ నేపధ్యం ఉన్న ఈ స్టోరీ లైన్ రెండు కుటుంబాల మధ్య సాగుతుందట. ఎన్టీఆర్ ఫ్యామిలీ కి సంబంధించిన కీలక సన్నివేశాలను వరంగల్ లో చిత్రీకరించడానికి లొకేషన్స్ సెలెక్ట్ చేసాడట త్రివిక్రమ్. అందుకే ఎన్టీఆర్ వరంగల్ వెళుతున్నాడు. అక్కడ ఓ యాక్షన్ ఎపిసోడ్ ని కూడా చిత్రీకరించబోతున్నారట. మొత్తం మీద ఎన్టీఆర్ తో ఫస్ట్ టైమ్ టైప్ అయిన త్రివిక్రమ్ బ్లాక్ బస్టర్ హిట్ కొట్టాలనే టార్గెట్ తోనే ముందుకు సాగుతున్నాడు. మరి ఈ కాంబినేషన్ సినిమా ఏ రేంజ్ విజయాన్ని అందుకుంటుందో వేచిచూద్దాం. ఈ సినిమాలో ఎన్టీఆర్ సరసన పూజా హెగ్డె కథానాయికగా నటిస్తోంది.