మామయ్య చిరంజీవి సినిమాల్లోని పాటలను తన సినిమాల కోసం రీమిక్స్ చేయడం, ఆ పాటలకు చిందేయడం మెగా మేనల్లుడు సాయిధరమ్ తేజ్ ప్రతి సినిమాలోనూ చేస్తూ వస్తున్నాడు. అయితే ఇకముందు మామయ్య చిరు పాటలను రీమిక్స్ చేసి, తన సినిమాల్లో పెట్టడం జరగదని మెగా మేనల్లుడు చెప్పేసాడు.
సాయిధరమ్ తేజ్ హీరోగా కరుణాకరన్ దర్శకత్వంలో రూపొందిన 'తేజ' ఐ లవ్ యు చిత్రం నిన్న (6.7.2018) ప్రపంచ వ్యాప్తంగా ఘనంగా విడుదలయ్యింది. ఈ సినిమా ప్రమోషనల్ కార్యక్రమాల్లో జోరుగా పాల్గొంటున్నాడు సాయిధరమ్ తేజ్. ముఖ్యంగా ఫస్ట్ టైమ్ లవ్ జానర్ సినిమా చేసాడు. యూత్ కి బాగా కనెక్ట్ అయ్యే సినిమా కావడంతో ఈ సినిమా ప్రమోషన్ విషయంలో చాలా కేర్ తీసుకుంటున్నాడు. ఇందులో భాగంగా ఫేస్ బుక్ ద్వారా లైవ్ లో చాట్ చేసాడు సాయిధరమ్ తేజ్. ఓ అభిమాని అడిగిన ప్రశ్నకు సమాధానంగా... ఇకపై చిరంజీవి సాంగ్స్ రీమిక్స్ చేసి, తన సినిమాల కోసం వాడటం జరగదని, అలా రీమిక్స్ చేస్తున్న పాటలకు నెగటివ్ ఫీడ్ బ్యాక్ వస్తోందని చెప్పాడు. మామయ్య స్టెప్పులేసిన పాటల్లో మరొకరిని ఊహించుకోవడం కష్టమని, అభిమానులకు కూడా అది నచ్చడంలేదని, అందుకే ఇకపై రీమిక్స్ చేయడం జరగదని తేల్చి చెప్పేసాడు సాయిధరమ్ తేజ్. సో... ఇకపై మెగా మేనల్లుడు సినిమాలో చిరు రీమిక్స్ పాటలు ఉండవు.