ధృవ చిత్రంలో విలన్ అరవింద్ స్వామి లవర్ గా నటించిన డచ్ మోడల్ ఫర్హా కర్మీ తెలుగు ఆడియన్స్ మనసుల్లో చోటు సంపాదించుకుంది. నిజం చెప్పాలంటే ఈ సినిమాకంటే ముందే 'తిక్క' సినిమా ద్వారా టాలీవుబ్ కి ఎంట్రీ ఇచ్చింది పర్హా కర్మీ. కాకపోతే ఈ సినిమా ఫ్లాప్ అవ్వడంతో పర్హా కి పెద్దగా పాపులార్టీ రాలేదు. ఆ తర్వాత 'గౌతమిపుత్ర శాతకర్ణి' లో విలన్ గా నటించింది. బాలకృష్ణను అచేతనంగా చేసి యుద్ధంలో గెలవడానికి కుట్ర చేసే గ్రీక్ ప్రిన్స్ గా నటించింది పర్హా. ఈ సినిమా ఆమెకు మంచి గుర్తింపు తెచ్చి పెట్టింది.
తాజాగా అక్కినేని హీరో అఖిల్ సినిమాలో ఐటమ్ పాటకు చిందేసే అవకాశం ఫర్మా కర్మీని వరించిందని తెలుస్తోంది. 'తొలి ప్రేమ' ఫేం వెంకీ అట్లూరి దర్శకత్వంలో అఖిల్ ఓ సినిమా చేస్తున్న విషయం తెలిసిందే. ఈ సినిమాలోని ఐటమ్ పాట కోసం ఫర్హా ని తీసుకున్నారట. మరి విలన్ గా తెలుగు ఆడియన్స్ ని మురిపించిన ఫర్హా ఐటమ్ గర్ల్ గా ఏ మేరకు ఆకట్టుకుంటుందో వేచి చూడాల్సిందే.