ప్రేమించి, పెద్దలను ఒప్పించి పెళ్లి చేసుకున్న నాగచైతన్య, సమంత మధ్య మనస్ఫర్ధలా... ఇద్దరూ మేడ్ ఫర్ ఈచ్ అదర్ లా ఉంటారు కదా... అని విస్తుబోతున్నారా... పైన హెడ్డింగ్ చదివిన తర్వాత ఎవరికైనా ఈ ఫీలింగ్ కలగడం కామన్. అయితే ఇద్దరి మధ్య మనస్ఫర్ధలు రియల్ లైఫ్ లో కాదు. రీల్ లైఫ్ లో ఈ జంట ఓ అమ్మాయి వల్ల గొడవలు పడతారు. ఇంతకీ ఏ సినిమాలో ఇలాంటి సన్నివేశాలు ఉన్నాయి తెలుసుకోవాలని ఉందా... అయితే అసలు మ్యాటర్ లోకి లుక్కేయండి...
పెళ్లయిన తర్వాత నాగచైతన్య, సమంత జంటగా నటించబోతున్న సినిమా ఇది. 'నిన్ను కోరి' డైరెక్టర్ శివ నిర్వాణ దర్శకత్వంలో ఈ చిత్రం తెరకెక్కనుంది. ఇందులో పెళ్లయిన దంపతులుగా నటించబోతున్నారు నాగచైతన్య, సమంత. వీరి మధ్యలోకి ఓ అమ్మాయి వస్తుంది. ఆ అమ్మాయి వల్ల ఈ దంపతుల మధ్య గొడవలు ఆరంభమవుతాయి. తర్వాత ఈ ఇద్దరూ ఆ సమస్య నుండి ఎలా బయటపడతారు అనే స్టోరీ లైన్ తో ఈ సినిమా తెరకెక్కనుందనే వార్తలు ప్రచారమవుతున్నాయి. ప్రముఖ నిర్మాత నిర్మించనున్న ఈ సినిమా త్వరలో సెట్స్ పైకి వెళ్లనుంది. పెళ్లయిన తర్వాత చైతూ, సమంత కలిసి నటించబోతున్న సినిమా కావడంతో, సెట్స్ పైకి వెళ్లకముందే ఈ సినిమాపై భారీ అంచనాలు నెలకొన్నాయి.