సాయిపల్లవి హ్యాపీ... రాశిఖన్నా తెగ బాధపడిపోతోందట!

నితిన్ హీరోగా 'శతమానం భవతి' ఫేం సతీష్ వేగ్నశ దర్శకత్వంలో దిల్ రాజు నిర్మించిన 'శ్రీనివాస కళ్యాణం' సినిమా ఈ 9న విడుదలై ఫ్లాప్ టాక్ ని సొంతం చేసుకుంది. ఈ సినిమా డిస్ట్రబ్యూటర్స్ తమ డబ్బులు తిరిగి వచ్చే అవకాశంలేదని అంచనాకు వచ్చేసి, తెగ టెన్షన్ పడిపోతున్నారట. హీరో నితిన్ అయితే ఈ సినిమాతో హ్యాట్రిక్ ఫ్లాప్ లను మూటకట్టుకున్నాడు. ఇక హీరోయిన్ గా నటించిన రాశిఖన్నా కూడా ఈ సినిమా రిజల్ట్ పట్ల చాలా నిరాశకు గురయ్యిందట. ఈ సినిమాపై రాశిఖన్నా చాలా నమ్మకం పెట్టుకుంది. తన కెరియర్ కి ఈ సినిమా చాలా ఉపయోగపడుతుందని భావించిందట. పాపం అలా జరగలేదు. నిజం చెప్పాలంటే ఈ ఫ్లాప్ సినిమా సాయిపల్లవి ఖాతాలో పడాల్సి ఉంది.

ముందుగా 'శ్రీనివాస కళ్యాణం' సినిమా కోసం సాయిపల్లవినే హీరోయిన్ గా తీసుకోవాలనుకున్నారు. అయితే ఈ చిత్ర స్టోరీ లైన్ ప్రకారం హీరోయిన్ క్యారెక్టర్ అంత ఇంప్రెసివ్ గా లేదని, రెగ్యులర్ హీరోయిన్ పాత్రలానే ఉంటుందని జడ్జ్ చేసిన సాయిపల్లవి ఈ సినిమాని రిజెక్ట్ చేసింది. దిల్ రాజు భారీ పారితోషికం ఆఫర్ చేసినప్పటికీ ఈ సినిమాకి నో చెప్పింది. ఇప్పుడు ఈ సినిమా రిజెక్ట్ చేసినందుకు సాయిపల్లవి తెగ హ్యాపీ ఫీలైపోతోందట. రాశిఖన్నా మాత్రం 'తొలిప్రేమ' లాంటి హిట్ సినిమా తర్వాత 'శ్రీనివాస కళ్యాణం' తో ఫ్లాప్ ని చవిచూడాల్సి రావడం పట్ల తెగ బాధపడిపోతోందట.