శ్రీమంతుడు, భరత్ అనే నేను సెంటిమెంట్ తో 'మహర్షి'

ప్రిన్స్ మహేష్ బాబు బ్లాక్ బస్టర్ చిత్రాలు 'శ్రీమంతుడు', 'భరత్ అనే నేను' విలేజ్ సెంటిమెంట్ ప్రధానాంశంగా తెరకెక్కిన విషయం తెలిసిందే. ఈ సినిమాల్లో ఈ అంశం ఆడియన్స్ ని విపరీతంగా అలరించింది. కాగా ఇదే సెంటిమెంట్ మహేష్ బాబు, వంశీ పైడిపల్లి చిత్రంలో కూడా ఉంటుందట.

మహేష్ బాబు హీరోగా వంశీ పైడిపల్లి దర్శకత్వంలో తెరకెక్కుతోన్న 'మహర్షి' చిత్రం ఫస్ట్ లుక్ ని ఇటీవల విడుదల చేసారు. ఈ లుక్ కి సూపర్ రెస్పాన్స్ వచ్చింది. కాగా ఈ సినిమా ఫస్టాప్ అమెరికా నేపధ్యంలో ఉంటుందట. తన ఫ్రెండ్ అల్లరి నరేష్ కోసం అతను ఉంటున్న విలేజ్ కి వస్తాడట మహేష్. దాంతో సెకండాఫ్ స్టోరీ పల్లెటూరి నేపధ్యంతో సాగుతుంది. ఆ పల్లెటూరులోని సమస్యల్లో మహేష్ బాబు ఇరుక్కోవడం, ఆ సమస్యలను సాల్వ్ చేయడం ఈ సినిమా స్టోరీ లైన్ అనే వార్తలు ప్రచారమవుతున్నాయి. మరి ఈ వార్తల్లో ఎంతవరకూ నిజముందోగానీ, విలేజ్ బ్యాక్ డ్రాప్ లో రూపొందిన 'శ్రీమంతుడు', 'భరత్ అనే నేను' భారీ విజయాన్ని సొంతం చేసుకున్న నేపధ్యంలో 'మహర్షి' కూడా బ్లాక్ బస్టర్ అవ్వడం ఖాయమని మహేష్ అభిమానులు అంటున్నారు. ప్రస్తుతం ఈ చిత్రం షూటింగ్ గోవాలో జరుగుతోంది. పూజా హెగ్డె కథానాయికగా నటిస్తోన్న ఈ సినిమా వచ్చే యేడాది సమ్మర్ కానుకగా ఏప్రిల్ 5న ధియేటర్స్ కి రానుంది. అశ్వనీదత్, దిల్ రాజు, పివిపి సంయుక్తంగా ఈ చిత్రాన్ని నిర్మిస్తున్నారు.