గీత గోవిందం పైరసీ వెనుక ఆ బడా నిర్మాత.. అసూయతోనే చేసాడా?

గుర్తుందా... పవర్ స్టార్ పవర్ కళ్యాణ్ 'అత్తారింటికి దారేది' సినిమా విడుదలకు ముందే 90 శాతం పైరసీకి గురవ్వడం... పవన్ కళ్యాణ్, త్రివిక్రమ్ శ్రీనివాస్ మీడియా సమావేశం ఏర్పాటు చేసి మరీ ఎవరు ఈ పని చేసారో తెలుసు.... ఈ కుట్ర చేసిన వారిని వదలిపెట్టమని నిప్పులు చెరిగారు. దాంతో చిత్ర పరిశ్రమతో పాటు బయట జనాలు కూడా ఉలిక్కిపడ్డారు. ఓ బడా నిర్మాత హ్యాండ్ ఈ పైరసీ వెనుక ఉందని చెప్పుకున్నారు. ఇప్పుడు అదే నిర్మాత 'గీత గోవిందం' పైరసీ బారిన పడటానికి సహకరించాడని వార్తలు వినిపిస్తున్నాయి. ఇక ఈ నిర్మాత ఎవరు అనే వివరాల్లోకి వెళితే...

గత కొన్నాళ్లుగా ఈ నిర్మాతకు హిట్స్ లేవు. ఎవరి సినిమా హిట్ అయినా అసూయతో రగిలిపోతుంటాడట. గతంలో పైరసీ చేసినట్టు చరిత్ర ఉంది కాబట్టి, ఇప్పుడు కూడా ఈ బడా నిర్మాత ఇన్ వాల్వ్ మెంట్ తోనే 'గీత గోవిందం' పైరసీకి గురయ్యిందని ఇండస్ట్రీ వర్గాలు నమ్ముతున్నాయి. 'విజయ్ దేవరకొండ' అభిమానుల చేతుల్లో తన్నులు తినొద్దు అని అల్లు అరవింద్ 'గీత గోవిందం' ఫ్రీ రిలీజ్ వేడుకలో వార్నింగ్ ఇచ్చారు. ఈ వార్నింగ్ సదురు నిర్మాతను ఉద్ధేశించి ఇచ్చినదే అని ఫిల్మ్ నగర్ వర్గాలు అంటున్నాయి. ఇండస్ట్రీ నమ్ముతున్న ప్రకారం సదురు నిర్మాత నిజంగానే ఈ పైరసీ వ్యవహారాల్లో ఇన్ వాల్వ్ అయితే... ఇక నుంచి అయినా ఈ వ్యవహారాలకు దూరంగా ఉండటం బెటర్. లేదంటే కడుపు మండిన నిర్మాతలు ఇతని పేరు బహిరంగంగా బయటపెట్టి మరీ రోడ్డు కీడ్చుతారు. అయినా చిత్రపరిశ్రమలో ఉంటూ, ఈ రకంగా పైరసీని ప్రోత్సహించడం చాలా పెద్ద నేరం. పోలీసులకు చిక్కాడా... సైబర్ నేరం కింద బుక్ చేసేస్తారు. సో... ఇక నుంచి అయినా ఈ దారుణానికి ఫుల్ స్టాప్ పెడితే బెటర్...!