యంగ్ టైగర్ ఎన్టీఆర్ హీరోగా కొరటాల శివ దర్శకత్వంలో ఓ సినిమా చేయడానికి కొరటాల ఫ్రెండ్, డిస్ట్రిబ్యూటర్ మిక్కిలినేని సుధాకర్ సన్నాహాలు చేసిన సంగతి తెలిసిందే. ఈ సినిమా ప్రకటన కూడా వచ్చింది. కానీ ప్రస్తుతం త్రివిక్రమ్ శ్రీనివాస్ దర్శకత్వంలో 'అరవిందసమేత' చిత్రం చేస్తున్న ఎన్టీఆర్ ఆ తర్వాత రాజమౌళి దర్శకత్వంలో సినిమా చేయబోతున్నాడు. దాంతో కొరటాలతో ఎన్టీఆర్ చేయాల్సిన సినిమా ఆగిపోయిందని జనాలు భావించారు. కానీ ఈ సినిమా ఆగిపోలేదనేది తాజా సమాచారమ్.
ఈ యేడాది అక్టోబర్ నుంచి రాజమౌళి సినిమా షూటింగ్ ఆరంభమవుతుందట. 2019 సెకండాఫ్ లో ఈ చిత్రం షూటింగ్ పూర్తయిపోతుందట. 2020 ఆరంభంలో కొరటాల, ఎన్టీఆర్ సినిమా సెట్స్ పైకి వెళ్లనుందట. ఓ స్ట్రాంగ్ మెసేజ్ ఉన్న స్టోరీ లైన్ ఎన్టీఆర్ కి చెప్పాడట కొరటాల. ఈ స్టోరీ లైన్ నచ్చడంతో ఫుల్ స్ర్కిఫ్ట్ రెడీ చేయమని ఎన్టీఆర్ చెప్పేసాడట. ఇదిలా ఉంటే...
ఈ లోపు మెగాస్టార్ చిరంజీవితో కొరటాల శివ ఓ సినిమా చేయబోతున్నాడు. ఈ సినిమా ఈ యేడాది చివరిలో ఆరంభమవుతుందట. వచ్చే యేడాది దసరాకి ఈ సినిమా విడుదలయ్యేలా ప్లాన్ చేస్తున్నారట. ఆ తర్వాత ఎన్టీఆర్ సినిమాతోనే కొరటాల బిజీ అవ్వబోతున్నాడని సమాచారమ్. సో... ఎన్టీఆర్, కొరటాల సినిమా ఆగిపోలేదు.