యంగ్ టైగర్ ఎన్టీఆర్ హీరోగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కుతోన్న 'అరవింద సమేత వీరరాఘవ' చిత్రం ఫస్ట్ టీజర్ ఆగస్ట్ 15న విడుదలై హంగామా సృష్టిస్తోంది. యుట్యూబ్ లో టాప్ ట్రెండింగ్ లో నెం.1 స్థానంలో ఉన్న ఈ చిత్రం టీజర్ 30 గంటల్లో 300K లైక్స్, 7 మిలియన్ల వ్య్వూస్ తో దూసుకెళుతోంది. దీన్నిబట్టి ఈ సినిమాకి ఏ రేంజ్ లో క్రేజ్ ఉందో అర్ధం చేసుకోవచ్చు.
ఈ టీజర్ లో షర్ట్ లెస్ గా గూండాలను వేటాడుతున్న ఎన్టీఆర్, సిక్స్ ప్యాక్ లో కనిపించిన ఎన్టీఆర్ లుక్ ఎన్టీఆర్ అభిమానులనే కాదు... సినీప్రియులను సైతం విపరీతంగా ఆకట్టుకుంది. క్లయిమ్యాక్స్ ముందు వచ్చే సీన్ అని తెలుస్తోంది. 15 నిముషాల నిడితో ఉండే ఈ సీన్ అదిరిపోతుందట. ఫస్ట్ టైమ్ ఎన్టీఆర్ తో త్రివిక్రమ్ దర్శకత్వం వహిస్తున్న సినిమా ఇది. ఈ కాంబినేషన్ భారీ అంచనాలను పెంచింది. దసరా కానుకగా అక్టోబర్ 11న ఈ సినిమా థియేటర్స్ కి వస్తోంది. పూజా హెగ్డె కథానాయికగా నటిస్తోన్న ఈ సినిమాని రాథాకృష్ణ నిర్మిస్తున్నారు.