పాపం... రాశిఖన్నా ప్రస్తుతం చాలా నిరాశలో ఉందట. ఎందుకు అనుకుంటున్నారా... తనకు వచ్చిన ఓ మంచి అవకాశాన్ని వదిలేసుకుంది. ఇప్పుడు ఆ రిజల్ట్ రాశిఖన్నాని తెగ బాధపెడుతోందట. అసలు విషయంలోకి వెళితే...
'గీత గోవిందం' సినిమాలో హీరోయిన్ గా నటించే అవకాశం ముందుగా రాశిఖన్నాకే వచ్చింది. కానీ ఈ అవకాశాన్ని తిరస్కరించింది రాశిఖన్నా. దానికి కారణం విజయ్ దేవరకొండ అప్పటికి 'పెళ్లిచూపులు' సినిమా మాత్రమే చేసి ఉన్నాడట. 'అర్జున్ రెడ్డి' విడుదలవ్వలేదు. ఈ నేపధ్యంలో విజయ్ దేవరకొండ సరసన నటించడం ఇష్టంలేక రాశిఖన్నా నో చెప్పేసిందట. ఇప్పుడు 'గీత గోవిందం' విడుదలై భారీ విజయాన్ని అందుకోవడంతో తనకు జలక్ తగిలింది. ఓ హిట్ సినిమాని వదిలేసుకున్నానని సన్నిహితుల దగ్గర చెప్పి తెగ బాధపడుతోందట. పైగా తను నటించిన 'శ్రీనివాస కళ్యాణం' ఫ్లాప్ అవ్వడం రాశిఖన్నాని మరింత బాధపెడుతోందట. నిజమే కదా... ఓ హిట్ సినిమాని వదులుకుని, ఓ ఫ్లాప్ సినిమా చేయడం కెరియర్ కి కొంత నష్టం కలిగిస్తుందా కదా...!