మెగా పవర్ స్టార్ రాంచరణ్ హీరోగా బోయపాటి శ్రీను దర్శకత్వంలో తెరకెక్కుతోన్న #RC12 గురించి ఓ సర్ ప్రైజింగ్ న్యూస్ బయటికి వచ్చింది. ఇప్పటివరకూ రాంచరణ్ ఈ సినిమాలో పోషించబోయే పాత్ర ఎలా ఉంటుందనే విషయంలో పెద్దగా గెస్సింగ్ లేదు. అన్నయ్య, వదినలతో ఓ ఫ్యామిలీ ఎంటర్ టైనర్ రాంచరణ్ చేస్తున్నాడని జనాలు అనుకుంటున్నారు. కాకపోతే ఇందులో రాంచరణ్ పాత్ర పవర్ ఫుల్ గా ఉంటుందని మాత్రం ఊహిస్తున్నారు.
అయితే తాజా వార్తల ప్రకారం ఈ సినిమాలో రాంచరణ్ పోలీసాఫీసర్ పాత్రలో అలరించనున్నాడట. ఓ పవర్ ఫుల్ పోలీసాఫీర్ గా రాంచరణ్ పాత్ర అద్భుతంగా ఉంటుందట. బోయపాటి శ్రీను తనదైన శైలిలో ఈ పాత్ర క్రియేట్ చేసాడని సమాచారమ్. హిందీ సినిమా 'జంజీర్' (తెలుగులో తుఫాన్) లో రాంచరణ్ పోలీసాఫీసర్ గా నటించాడు. ఈ సినిమా ఫ్లాప్ అవ్వడంతో మెగా ఫ్యాన్స్ అప్ సెట్ అయ్యారు. ఇప్పుడు మళ్లీ పోలీసాఫీసర్ గా నటిస్తున్నాడు చరణ్. ఈసారి రాంచరణ్, బోయపాటి మ్యాజిక్ క్రియేట్ చేస్తారని, భారీ విజయాన్ని అందుకుంటారనే నమ్మకంతో మెగా ఫ్యాన్స్ ఉన్నారు. సంక్రాంతి కానుకగా ఈ సినిమా వచ్చే యేడాది జనవరి 11న థియేటర్స్ కి రానుంది. మరి ఏ రేంజ్ విజయాన్ని అందుకుంటుందో వేచిచూద్దాం.