నందమూరి నటసింహం బాలకృష్ణకు కథ నచ్చితే చాలు.. కొత్త దర్శకులు, అప్ కమింగ్ డైరెక్టర్లకు అవకాశం ఇచ్చేస్తారు. ఇప్పుడలా ఓ యువ దర్శకుడికి ఆయన అవకాశం ఇచ్చారని సమాచారం. ఆ యువదర్శకుడు ఎవరో కాదు.. నందమూరి కల్యాణ్ రామ్ తో 'పటాస్' వంటి సూపర్ హిట్ చిత్రానికి దర్శకత్వం వహించిన అనిల్ రావిపూడి. మొదటి సినిమా 'పటాస్' తోనే టాలెంటెడ్ అనిపించుకున్న అనిల్ రావిపూడి ఆ తర్వాత 'సుప్రీమ్', 'రాజా ది గ్రేట్' చిత్రాలకు దర్శకత్వం వహించాడు. ప్రస్తుతం విక్టరీ వెంకటేష్, మెగా ప్రిన్స్ వరుణ్ తేజ్ కాంబినేషన్ లో 'ఎఫ్ 2' చిత్రం చేస్తున్నాడు.
తాజా వార్తల ప్రకారం ఈ చిత్రం తర్వాత అనిల్ రావిపూడి చేయబోయేది బాలకృష్ణ సినిమానే అనే వార్తలు ప్రచారమవుతున్నాయి. శ్రీవాస్ దర్శకత్వంలో బాలకృష్ణ నటించిన 'డిక్టేటర్' చిత్రానికి అనిల్ రావిపూడి వర్క్ చేశాడని టాక్. ఆ సమయంలోనే అనిల్ రావిపూడి మీద బాలయ్యకు మంచి అభిప్రాయం ఏర్పడిందట. అతని టాలెంట్ మీద బాలయ్యకు నమ్మకం కుదరడంతోనే ఓ సినిమా చేసే అవకాశం ఇచ్చి ఉంటారు. అనిల్ రావిపూడి అప్పట్నుంచి కథ రెడీ చేస్తున్నాడట. బాలయ్యకు కథ చెప్పడానికి రెడీ అవుతున్నాడట. అన్నీ కుదిరితే బాలయ్యతో అనిల్ రావిపూడి సినిమా సెట్స్ పైకి వెళ్లడం ఖాయమని ఫిల్మ్ నగర్ టాక్. ఈ సినిమాకి సంబంధించి పూర్తి వివరాలు తెలియాల్సి ఉంది.