టాలీవుడ్ మోస్ట్ ఎలిజిబుల్ బ్యాచులర్ యంగ్ రెబల్ స్టార్ ప్రభాస్ ఎప్పుడెప్పుడు పెళ్లి పీటలు ఎక్కుతాడా అని అందరూ ఎదురుచూస్తున్నారు. 'బాహుబలి' రెండు పార్ట్ లు విడుదలైన తర్వాత పెళ్లి చేసుకుంటానని ప్రభాస్ అప్పట్లో చెప్పాడు. ఈ సినిమాలు విడుదలైపోయాయి. కానీ ప్రభాస్ పెళ్లి పీటలు ఎక్కలేదు. ప్రస్తుతం రెండు సినిమాలతో బిజీ అయిపోయాడు. అయితే ఈ నెల 23న ఓ సర్ ప్రైజింగ్ విషయం చెబుతాను అని ప్రభాస్ తన ట్విట్టర్ లో ట్వీట్ చేసాడు. దాంతో తన పెళ్లికి సంబంధించి ప్రకటించబోతున్నాడని జనాలు మాట్లాడుకుంటున్నారు.
కాగా ప్రభాస్ సన్నిహితుల ద్వారా తెలిసిన దాని ప్రకారం ఈ నెల 23న తన పెళ్లికి సంబంధించి ప్రభాస్ ప్రకటిస్తాడనే విషయం నిజమేనని తెలుస్తోంది. గుంటూరుకు చెందిన అమ్మాయితో ప్రభాస్ కి పెళ్లి నిశ్చయమయ్యిందట. ఈ అమ్మాయి ప్రభాస్ కి దూరపు చుట్టం కూడా అవుతుందట. ప్రభాస్, ఆ అమ్మాయి, పెద్దలు అందరూ మాట్లాడుకున్న తర్వాతే ఈ వివాహం ఖరారయ్యిందని తెలుస్తోంది. అయితే ఎంగేజ్ మెంట్, పెళ్లి ఎప్పుడనే విషయం తెలియడంలేదుగానీ, ఈ 23న ప్రభాస్ పెళ్లి ప్రకటన రావడం ఖాయమని మాత్రం తెలుస్తోంది. సో... ఎట్టికేలకు ప్రభాస్ పెళ్లి పీటలెక్కడం కన్ ఫార్మ్ అయినట్టేనని ఫిక్స్ అయిపోవచ్చు.