యంగ్ టైగర్ ఎన్టీఆర్, మాటల మాంత్రికుడు త్రివిక్రమ్ శ్రీనివాస్ కాంబినేషన్ లో తెరకెక్కిన ఫస్ట్ సినిమా 'అరవింద సమేత వీరరాఘవ' భారీ విజయాన్ని అందుకుని వసూళ్ల పరంగా కొత్త రికార్డులు క్రియేట్ చేస్తున్న విషయం తెలిసిందే. చిత్రం యూనిట్ తో పాటు, ఈ చిత్రాన్ని పంపిణీ చేసిన వారందరూ సినిమా రిజల్ట్ పట్ల ఫుల్ హ్యాపీగా ఉన్నారు. ఇక ఎన్టీఆర్ అభిమానులు గురించి ప్రత్యేకంగా చెప్పక్కర్లేదు. సోషల్ మీడియా ద్వారా తమ ఆనందాన్ని వ్యక్తపరుస్తూ హల్ చల్ చేస్తున్నారు. కాగా ఈ ఆనందాన్ని అందరితో పంచుకోవడానికి సక్సెస్ మీట్ నిర్వహించబోతోంది చిత్రం యూనిట్.
ఈ సక్సెస్ మీట్ రేపు (21.9.2018) హైదరాబాద్ లోని శిల్పకళా వేదికలో సాయంత్రం 6 గంటలకు ఘనంగా జరగనుంది. సక్సెస్ మీట్ కి అభిమానులు భారీగా తరలిరాబోతున్నారట. సినిమా ఇంత భారీ విజయాన్ని అందుకుంది కాబట్టి, ఎన్టీఆర్ తొడగొట్టే టైమ్. మరి ఈ ఆనందాన్నితన అభిమానులతో షేర్ చేసుకుని, వారిని మరింతగా ఎగ్జయిటింగ్ కి గురి చేయకుండా ఉంటాడా... రేపు ఎన్టీఆర్ అభిమానులకు పండగే... కాదంటారా...!