#RRR నిర్మాతకి బంపర్ ఆఫర్.. ఆ డీల్ కి నో!

యంగ్ టైగర్ ఎన్టీఆర్, మెగా పవర్ స్టార్ రాంచరణ్ కాంబినేషన్ లో భారీ బడ్జెట్ తో స్టార్ డైరెక్టర్ రాజమౌళి దర్శకత్వంలో ప్రముఖ నిర్మాత డి.వి.వి.దానయ్య ఓ సినిమా నిర్మించబోతున్న విషయం తెలిసిందే. ప్రస్తుతం ఈ సినిమా నిర్మాతకి వచ్చిన బంపర్ ఆఫర్ గురించి ఓ వార్త పెద్ద ఎత్తున హల్ చల్ చేస్తోంది. అదేంటంటే...

'బాహుబలి' నిర్మాతలు '#RRR నిర్మాతకు 100కోట్లు బంపర్ ఆఫర్ ఇచ్చారట. ఈ ఆఫర్ కి అంగీకరిస్తే, నిర్మాత దానయ్య ఈ భారీ మల్టీస్టారర్ నుంచి తప్పుకుని 'బాహుబలి' నిర్మాతలకు ఈ సినిమాని నిర్మించే అవకాశం ఇవ్వాల్సి ఉంటుంది. అయితే ఈ ఆఫర్ కి నిర్మాత దానయ్య నో చెప్పేసారట. దీనికి కారణం ఏంటంటే...

అత్యంత ప్రతిష్టాత్మకమైన ఈ మల్టీస్టారర్ నిర్మించడం వల్ల దానయ్యకు డబ్బుతో పాటు పేరు వస్తుంది. అతని పేరు ప్రపంచ వ్యాప్తంగా వినిపిస్తుంది. డి.వి.వి ఎంటర్ టైన్ మెంట్స్ కి ఈ సినిమా వల్ల చాలా లాభాలు ఉంటాయి. ఈ సినిమా తర్వాత ఈ బ్యానర్ లో ఏ హీరో అయినా సినిమా చేయడానికి రెడీగా ఉంటాడు. ఆ సినిమా హాట్ కేక్ లా అమ్ముడుపోతుంది. ప్రముఖ నిర్మాతల లిస్ట్ లో దానయ్య పేరు ముందు వరసలో ఉంటుంది. ఇక #RRR సినిమా 500కోట్లు బిజినెస్ చేస్తుందనే అంచనాలు ఉన్నాయి. అంటే ఈ సినిమాతో దానయ్య భారీ లాభాలను చవిచూడటం ఖాయం. ఇన్నిలాభాలు #RRR వల్ల దానయ్యకు వస్తుంటే, ఆయన ఎందుకు ఈ ప్రాజెక్ట్ నుంచి తప్పుకుంటారు. అందుకే 100కోట్ల డీల్ కి నో చెప్పేసారట దానయ్య.