ఎప్పుడెప్పుడా అని ఎదురుచూస్తున్న ప్రతిష్టాత్మక చిత్రం #RRR ప్రారంభోత్సవం ఈ రోజు (11.11) 11 గంటలకు ఘనంగా జరిగింది. స్టార్ హీరోలు ఎన్టీఆర్, రాంచరణ్ ఎలాంటి అరమరికలు లేకుండా చాలా ఫ్రెండ్లీగా ఈ వేడుకలో పాల్గొన్నారు. డైరెక్టర్ రాజమౌళి ఏం మాట్లాడమంటే అదే మాట్లాడతాం, ఏం చేయమంటే అదే చేద్దాం అన్న చందంగా వీరు తీరు ఉంది. దీంతో ఈ సినిమాకి సంబంధించిన ఏ విషయం అయినా రాజమౌళి అధికారకంగా ప్రకటించాల్సిందే... హీరోలిద్దరూ ఎలాంటి అప్ డేట్ ని పొరపాటున కూడా రివీల్ చేయరు... సీక్రెన్సీ మెయింటెన్ చేస్తారు అని జనాలు ఫిక్స్ అయిపోయారు. ఇదిలా ఉంటే...
ఈ సినిమా రెగ్యులర్ షూటింగ్ హైదరాబాద్ లోని అల్యూమినియం ఫ్యాక్టరీలో నవంబర్ 19 నుంచి ఆరంభంకానుంది. ఎన్టీఆర్, రాంచరణ్ పాల్గొనగా ఓ భారీ యాక్షన్ ఎపిసోడ్ ని చిత్రీకరించడానికి ప్లాన్ చేసారట రాజమౌళి. అయితే ఎన్టీఆర్, చరణ్ మధ్య ఈ ఫైట్ జరగనుందా లేక ఇద్దరూ కలిసి విలన్ గ్యాంగ్ ని చితకొడతారా తెలియాల్సి ఉంది. మొత్తం మీద భారీ యాక్షన్ ఎపిసోడ్ తో భారీ మల్టీస్టారర్ షూటింగ్ ఆరంభమవుతోంది. 2020లో ఈ సినిమా థియేటర్స్ కి వచ్చే అవకాశముందని సమాచారమ్. అప్పటివరకూ ఈ సినిమా విశేషాలను తెలుసుకుంటూ ఎంజాయ్ చేద్దాం.