దిల్ రాజుకు ఆ హీరో కూడా హ్యాండిచ్చినట్టేనా?

విజయ్ సేతుపతి, త్రిష జంటగా నటించిన తమిళ చిత్రం '96'. ఈ సినిమా అక్టోబర్ 4న ప్రపంచ వ్యాప్తంగా ఘనంగా విడుదలై హిట్ టాక్ ని సొంతం చేసుకుంది. 1996 లో జరిగిన లవ్ స్టోరీ నేపధ్యంతో తెరకెక్కిన సినిమా ఇది. కాగా ఈ సినిమా తెలుగు రీమేక్ హక్కులను దాదాపు కోటి రూపాయలు ఇచ్చి దిల్ రాజు కైవసం చేసుకున్నారు. తమిళ్ వెర్షన్ కి హిట్ టాక్ రావడంతో ఈ సినిమా తెలుగు రీమేక్ లో నటించడానికి కొంతమంది హీరోలు ఆసక్తి కనబర్చారు. అయితే క్లయిమ్యాక్స్ మార్చమని హీరోలు చెప్పడం, దిల్ రాజు ఇందుకు అంగీకరించపోవడంతో ఈ రీమేక్ కి ఇంకా హీరో ఫైనలైజ్ అవ్వలేదు.

స్టైలిష్ స్టార్ అల్లు అర్జున్, న్యాచురల్ స్టార్ నాని ఈ సినిమాకి నో చెప్పారు. ఆ తర్వాత మ్యాచో హీరో గోపీచంద్ ఈ సినిమాకి సైన్ చేసాడని, క్లయిమ్యాక్స్ కి మార్పులు చేయకుండా, ఈ రీమేక్ లో నటించడానికి అంగీకరించడానికి వార్తలు ప్రచారమయ్యాయి. తమిళ్ వెర్షన్ డైరెక్టర్ ప్రేమ్ కుమార్ ఆల్ రెడీ తెలుగు వెర్షన్ కి స్ర్కిఫ్ట్ కూడా రెడీ చేసేసాడు. త్వరలోనే ఈ రీమేక్ సెట్స్ పైకి వెళుతుందని అందరూ భావించారు. కానీ గోపీచ్ంద్ ఈ సినిమా గురించి మాట్లాడకుండా, మరో రెండు సినిమాలు కమిట్ అవ్వడంతో '96' రీమేక్ పక్కన పెట్టినట్టేనని, దిల్ రాజుకి ఈ హీరోగారు కూడా హ్యాండిచ్చినట్టేనని ఫిల్మ్ నగర్ వర్గాలు అంటున్నాయి. అదే కనుక జరిగితే మళ్లీ '96' తెలుగు రీమేక్ కోసం హీరోని వెతుక్కునే పనిలో దిల్ రాజు పడాలి. లేదా తను కూడా ఈ సినిమా రీమేక్ ని పక్కన పెట్టేయాలి. మరి ఫైనల్ గా దిల్ రాజు డెసిషన్ ఎలా ఉంటుందో వేచి చూడాల్సిందే.