మహానటుడు, ప్రజానాయకుడు ఎన్టీఆర్ జీవిత చరిత్రతో తెరకెక్కుతోన్న 'ఎన్టీఆర్ బయోపిక్' ఫస్ట్ పార్ట్ 'ఎన్టీఆర్ - కథానాయకుడు' నిన్న (9.1.2019) ప్రపంచ వ్యాప్తంగా భారీ ఎత్తున విడుదలయ్యింది. ఫస్ట్ షో నుంచే పాజిటివ్ టాక్ తో ముందుకెళుతున్న ఈ సినిమా వసూళ్ల పరంగా కూడా దూసుకెళుతోంది. అన్ని ఏరియాల నుంచి మంచి రిపోర్ట్స్ అందుతున్నాయి.
నైజాం ఏరియాలో ఫస్ట్ డే 1.72 కోట్లు షేర్ సాధించిన ఈ సినిమాకి సంక్రాంతి సెలవులు బాగా కలిసొస్తాయని ట్రేడ్ వర్గాలు అంచనా వేస్తున్నాయి. సినిమాకి హిట్ టాక్ రావడంతో శని, ఆదివారాలతో పాటు సంక్రాంతి సెలవుల్లో ఈ సినిమా వసూళ్లు భారీగా పెరుగుతాయని, ఖచ్చితంగా బాలయ్య కెరీర్ లోనే హయ్యస్ట్ వసూళ్లు రాబట్టిన సినిమాగా 'ఎన్టీఆర్ -కథానాయకుడు' నిలిచిపోతుందనే అంచనాలు ఉన్నాయి. మరి సంక్రాంతి హాలీడేస్ ని ఈ సినిమా ఎలా క్యాష్ చేసుకుంటుందో వేచిచూద్దాం.