శాండిల్ వుడ్ స్టార్ హీరో శివ రాజ్ కుమార్ తో నందమూరి నటసింహం బాలకృష్ణ కు ఉన్న అనుబంధం గురించి అందరికీ తెలిసిందే. బాలయ్య 100వ సినిమా 'గౌతమిపుత్ర శాతకర్ణి' లో కీలక పాత్ర చేసాడు శివ రాజ్ కుమార్. ఈ స్పెషల్ అఫియరెన్స్ సినిమాకి ప్రత్యేక ఆకర్షణ గా నిలిచింది. ఇక 'ఎన్టీఆర్ - కథానాయకుడు' కర్నాటకలో భారీగా రిలీజ్ అవ్వడానికి రాజ్ కుమార్ ఫ్యామిలీ హెల్ప్ చేసింది. ఇలా బాలయ్యకు ఏదో ఒక సందర్భంలో హెల్ప్ చేస్తున్న శివ రాజ్ కుమార్ కి బాలయ్య కూడా రిటర్న్ గిఫ్ట్ ఇవ్వబోతున్నారు.
శివ రాజ్ కుమార్ 125 వ సినిమా త్వరలో సెట్స్ పైకి వెళ్లనుంది. నార్తన్ దర్శకత్వంలో తెరకెక్కబోతున్న ఈ సినిమాకి 'భైరతి రనగల్' టైటిల్ ని పరిశీలిస్తున్నారట. కాగా ఈ సినిమాలోని ఓ కీలక పాత్రలో నటించాల్సిందిగా బాలయ్యను కోరాడట శివ రాజ్ కుమార్. ఇందుకు బాలయ్య గ్రీన్ సిగ్నల్ ఇచ్చేసారని తెలుస్తోంది. సో... ఫ్రెండ్, స్టార్ హీరో సినిమాలో బాలయ్య స్పెషల్ అఫియరెన్స్ ఇవ్వబోతున్నారు. మరి ఈ స్పెషల్ అఫియరెన్స్ ఎలా ఉంటుందో వేచి చూద్దాం.