సూపర్ స్టార్ మహేష్ బాబు, సక్సెస్ ఫుల్ డైరెక్టర్ అనిల్ రావిపూడి కాంబినేషన్ లో ఓ సినిమా రూపొందనున్న విషయం తెలిసిందే. దిల్ రాజు, అనిల్ సుంకర సంయుక్తంగా నిర్మించనున్న ఈ సినిమా కోసం రష్మిక మందన్నాని హీరోయిన్ గా తీసుకున్నారనే వార్తలు హల్ చల్ చేసిన విషయం తెలిసిందే. రష్మిక మందన్నా విక్కిలో కూడా మహేష్ 26కి హీరోయిన్ గా రష్మిక మందన్నా పేరు ఉంది . దాంతో అమ్మడికి బంపర్ ఆఫర్ తగిలిందని అందరూ ఫిక్స్ అయిపోయారు. అయితే ఈ బంపర్ ఆఫర్ ని రష్మిక వాడుకోలేకపోతోందని సమాచారమ్. ఆ వివరాల్లోకి వెళితే...
రష్మిక మందన్నా కమిట్ మెంట్స్ వల్ల అనిల్ రావిపూడి అడిగిన డేట్స్ కేటాయించలేకపోతోందట. ఈ సినిమా కంటే ముందు కమిట్ మెంట్ ఇచ్చిన సినిమాలు కావడంతో వాటిని వదులుకోలేక... మహేష్ బాబు, అనిల్ రావిపూడి సినిమా అవకాశాన్ని ఎలా సద్వినియోగం చేసుకోవాలో తెలీక సతమతమవుతోందట రష్మిక. దాంతో తనను వరించిన బంపర్ ఆఫర్ ని అ ముద్దుగుమ్మ చేజార్చుకుంటుందేమోననే చర్చ ఫిల్మ్ నగర్ లో జరుగుతోంది. మరి రష్మిక ఏం చేస్తుందో వేచిచూద్దాం. తనను వరించిన భారీ అవకాశాన్ని చేజార్చుకుంటుందా...!