రవిప్రకాష్ అనగానే తెలుగు జనాలకు ముందుగా గుర్తుకు వచ్చేది టివి 9 సిఈవో రవిప్రకాష్. అతనితో రాజమౌళికి లింకేంటీ... ఎందుకు భారీగా అద్దె చెల్లిస్తున్నాడనే ఆలోచనలో తప్పక పడతారు. అయితే ఈ వార్తకు రవిప్రకాష్ కు ఎలాంటి సంబంధంలేదు. ఈ వార్తకు సంబంధం ఉన్న రవిప్రకాష్ బెంగుళూరుకు చెందిన వ్యక్తి. పూర్తి వివరాల్లోకి వెళితే...
#ఆర్ఆర్ఆర్ సినిమాలో 1920 కాలంనాటి కార్లను వాడబోతున్నారట రాజమౌళి. ఈ కాలంనాటి కార్లు ఇప్పుడు ఎక్కడ దొరుకుతాయి. అయితే క్లాసిక్ ఛేజ్ పేరుతో బెంగుళూరుకు చెందిన డాక్టర్ రవిప్రకాష్ ఓ సంస్థను నిర్వహిస్తున్నారు. సుమారు 150 పై చిలుకు కారు మోడల్స్ ఈయన కలెక్షన్ లో ఉన్నాయట. వాటిలో 1928 నాటి లాంచెస్టర్, ఎస్టి 8, జాగ్వార్ క్లాసిక్ వంటి కార్లు కూడా ఉన్నాయట. కాగా ఈ కార్లను చూసిన రాజమౌళి #ఆర్ఆర్ఆర్ కోసం కొన్నింటిని సెలెక్ట్ చేసారట. ఓ యేడాది పాటు ఈ కార్లకు అద్దె చెల్లించి వాటిని తెప్పించారట. ఈ కార్ల కోసం రాజమౌళి భారీగా అద్దె చెల్లించడానికి అంగీకరించారని సమాచారమ్. సో... సినిమాలో ఈ కార్లు హైలైట్ గా నిలుస్తాయని ప్రత్యేకంగా చెప్పక్కర్లేదు. ప్రస్తుతం #RRR షూటింగ్ పూణేలో జరుగుతోంది.