యంగ్ రెబల్ స్టార్ ప్రభాస్ 'సాహో' చిత్రం ఆగస్ట్ 15న థియేటర్స్ కి రానున్న సంగతి తెలిసిందే. దీంతో పాటే 'జిల్' ఫేం రాధాకృష్ణ దర్శకత్వంలో ఓ సినిమా చేస్తున్నాడు ప్రభాస్. ప్రస్తుతం ఈ సినిమా షూటింగ్ అన్నపూర్ణ స్టూడియోలో జరుగుతోంది. రొమాంటిక్ ఎంటర్ టైనర్ గా తెరకెక్కుతోన్న ఈ సినిమాలో పూజా హెగ్డె కథానాయికగా నటిస్తోంటే, స్పెషల్ సాంగ్ తో పాటు ఓ కీలక పాత్రను చేస్తోంది కాజల్ అగర్వాల్. కాగా తాజాగా పూజా హెగ్డె, కాజల్ అగర్వాల్ పాత్రలకు సంబంధించి ఓ వార్త హల్ చల్ చేస్తోంది. అదేంటంటే...
ఈ సినిమాలో పూజా హెగ్డె పాత్ర ప్లాష్ బ్యాక్ లో ఉంటుందట. ప్రస్తుత కాలంలో జరిగే కథలో కాజల్ అగర్వాల్ పాత్ర ఉంటుందట. మోడర్న్ యువతి పాత్రలో కాజల్ అగర్వాల్ ఆడియన్స్ ని అలరించనుందని తెలుస్తోంది. ఈ పాత్ర నిడివి తక్కువే అయినప్పటికీ చాలా బాగుంటుందట. ఓ స్పెషల్ సాంగ్ కూడా చేయబోతోంది కాజల్. మొత్తం మీద ప్రభాస్ తో పాటు పూజా హెగ్డె, కాజల్ పాత్రలను కూడా డైరెక్టర్ రాధాకృష్ణ అద్భుతంగా తీర్చిదిద్దుతున్నారని ఊహించవచ్చు.