స్టైలిష్ స్టార్ అల్లు అర్జున్ హీరోగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఓ సినిమా తెరకెక్కనున్న విషయం తెలిసిందే. ఈ సినిమాలో నెగటివ్ షేడ్ పాత్ర కోసం ఓ హీరోయిన్ ని తీసుకున్నారనే వార్తలు వినిపిస్తున్నాయి. ఆ హీరోయిన్ అల్లు అర్జున్ తో రొమాన్స్ చేసింది. ఇప్పుడు అదే హీరోయిన్ అల్లు అర్జున్ సినిమాలో నెగటివ్ షేడ్ పాత్ర చేయనుందనే వార్త టాలీవుడ్ లో హాట్ టాపిక్ అయ్యింది. ఇంతకీ ఆ హీరోయిన్ ఎవరనే విషయంలోకి వెళితే...
అల్లు అర్జున్ హీరోగా తెరకెక్కిన 'దేశముదురు' చిత్రం ద్వారా టాలీవుడ్ కి హీరోయిన్ గా పరిచయం అయ్యింది హన్సిక. ఆ తర్వాత తెలుగు సినిమాలకంటే తమిళ సినిమాల ద్వారా ఎక్కువ ఫేం సంపాదించుకుంది. ప్రస్తుతం ఆమెకు అవకాశాలు తగ్గాయి. ఈ నేపధ్యంలో అల్లు అర్జున్, త్రివిక్రమ్ కాంబినేషన్ సినిమా కోసం కాంటాక్ట్ చేయగానే హన్సిక గ్రీన్ సిగ్నల్ ఇచ్చిందని తెలుస్తోంది. ఎందుకంటే ఈ పాత్ర హన్సికకు బాగా నచ్చిందట. నెగటివ్ షేడ్ తో ఉన్న ఈ పాత్ర తనలోని మరో కోణాన్ని ఆవిష్కరించే విధంగా ఉంటుందని భావిస్తోందట హన్సిక. అందుకే ఈ సినిమా అంగీకరించిందని తెలుస్తోంది. అయితే చిత్రం యూనిట్ నుంచి దీనికి సంబంధించి ఎలాంటి అధికారిక ప్రకటన లేదు. మరి నిజంగానే హన్సిక ఈ సినిమా కమిట్ అయ్యిందా అనే విషయం తెలియాలంటే కొన్నాళ్లు ఆగాల్సిందే. ఈ సినిమాలో పూజా హెగ్డె హీరోయిన్ గా నటిస్తోంది.