మెగాస్టార్ చిరంజీవి 'సైరా' నరసింహారెడ్డి చిత్రంలో మిల్క్ బ్యూటీ తమన్నా ఓ కీలక పాత్ర పోషిస్తున్న విషయం తెలిసిందే. ఈ పాత్రతో పాటు చిరుతో కలిసి ఓ స్పెషల్ సాంగ్ కి కూడా చిందేయబోతోంది తమన్నా. తాజా వార్తల ప్రకారం ఈ పాట చిత్రీకరణ కోసం చిత్రం యూనిట్ భారీగా ప్లాన్ చేస్తోందని తెలుస్తోంది. ఆ వివరాల్లోకి వెళితే...
ప్రస్తుతం 'సైరా' చిత్రం షూటింగ్ రామోజీ ఫిలింసిటీలో జరుగుతోంది. ఇక్కడ షూటింగ్ పూర్తి చేసిన వెంటనే వికారాబాద్ ఫారెస్ట్ లో కీలక సన్నివేశాలను చిత్రీకరించబోతున్నారట. అనంతరం అన్నపూర్ణ 7 ఎకరాల్లో వేసిన భారీ సెట్ లో చిరు, తమన్నా పాల్గొనగా ఈ సినిమాలోని స్పెషల్ సాంగ్ ని చిత్రీకరించడానికి ప్లాన్ చేసారట. ఈ స్పెషల్ సాంగ్ చిత్రీకరణతో ఆల్ మోస్ట్ ఈ సినిమా షూటింగ్ పూర్తికానుందని సమాచారమ్. ఫస్ట్ టైమ్ చిరుతో చిందేయబోతోంది తమన్నా. మరి ఈ ఇద్దరి 'స్పెషల్' సాంగ్ ఎలా ఉండబోతుందో వేచిచూద్దాం.