ఆలయాల పరిరక్షణపై లఘు చలన చిత్రోత్సవాలు

అమెరికాలో పురాతన కాలం నాటి ఇటుకను కూడా మ్యూజియంలో పెట్టి, దానికో పేరు తగిలించి డబ్బు గడిస్తున్నారు. సంస్కృతి సాంప్రదాయాలకు, విశిష్టమైన ఆలయాలకు నిలయమైన మన దేశంలో దేవాలయాలు, అజంతా, ఎల్లోరా వంటి శిల్పాలు శిథిలమైపోతుంటే పట్టించుకునే వారే లేరు. మన దేవాలయాల్ని కాపాడుకోవ్సాల్సిన బాధ్యత మన మీదుంది అని గజల్ శ్రీనివాస్ అన్నారు. దేవాలయా పరిరక్షణ, సనాతన ధర్మ పరిరక్షణ ధ్యేయంగా అధ్యాత్మిక అంశాలపై అవగాహన కల్పించేందుకు గ్లోబల్ హిందూ హెరిటేజ్ ఫౌండేషన్ ఆధ్వర్యంలో సేవ్ టెంపు్ల్స్ పేర షార్ట్ ఫిలిం పెస్టివల్ జరగనుంది. వెలగపూడి ప్రకాశరావు దీని వ్యవస్థాపకులు. గజల్ శ్రీనివాస్ సంస్థ ప్రచార సారధిగా వ్యవహరిస్తున్నారు. ఈ సందర్భంగా షార్ట్ ఫిలిం కాంటెస్ట్ కి సంబంధించిర బ్రోచర్ ని శనివారం (21.6.2014) ఏర్పాటు చేసిన మీడియా సమావేశంలో సీనియర్ జర్నలిస్ట్ పసుపులేటి రామారావు విడుదల చేసారు.

అనంతరం గజల్ శ్రీనివాస్ మాట్లాడుతూ - ''ప్రపంచ వ్యాప్తంగా శిథిలావస్థలో ఉన్న దేవాలయాల పరిరక్షణ, గోసంరక్షణ, దేవాలయాలమాన్య దైవాభరణాల సంరక్షణ, సనాతన ధర్మ రక్షణ ఎలా ఎన్నో హైందవ ఆధ్యాత్మిక అంశాలపై ప్రజలకు అవగాహన కల్పించేందుకు అంతర్జాతీయ లఘు చలన చిత్రోత్సవాల్నిఏర్పాటు చేసాం. దీనికి ముఖ్య కారణం వెలగపూడి ప్రకాశరావుగారు. రెండేళ్లు ఆయనతో జర్నీ చేసాక దేవాలయాల రక్షణకు పోరాడాలనిపించింది. అందుకే ఈ ప్రయత్నం చేస్తున్నాను. ఉత్సాహం గలవారు పైన తెలిపిన అంశాలతో 10-12నిముషాల నిడివిగల షార్ట్ ఫిలిం చేసి, జూలై 24వ తేదీకి మాకు అందించాలి. ఆగస్ట్ 22, 23, 24 తేదీల్లో చిత్రోత్సవాలు ప్రసాద్ ల్యాబ్ లో జరుగుతాయి. ఏ భాషలో తీసిన లఘు చిత్రానికైనా ఇంగ్లీష్ సబ్ టైటిల్స్ తప్పనిసరి. హెచ్ డి ఫార్మెట్ లో ఉండాలి. అర్హత కాబడిన 25 చిత్రాల నిర్మాతలకు ఆగస్ట్ 10వ తేదీలోపు సమాచారాన్ని అందిస్తాం. ఎంపికైన చిత్రాలు చిత్రోత్సవంలో ప్రదర్శించబడతాయి. ఇందుకు బహుమతులు కూడా ఉన్నాయి'' అని తెలిపారు.

మొదటి బహుమతి - లక్ష రూపాయలు (బంగారు గోమాత)

ద్వితీయ బహుమతి - 75000/- (రజత గోమాత)

తృతీయ బహుమతి - 5000/- (కాంస్య గోమాత)

జ్యూరీ అవార్డులు - 10 లఘ చిత్రాలకు ప్రోత్సాహ పురస్కారాలు.

ఇంకా ఈ కార్యక్రమంలో సిరాశ్రీ, సురేష్ కొండేటి, తుమ్మలపల్లి రామసత్యనారాయణ, మహేష్ కత్తి తదితరులు పాల్గొన్నారు.

Short Film Festival will Celebrate in August - Gazal Srinivas