'జనసేన' పార్టీ అధినేత, పవర్ స్టార్ పవన్ కళ్యాణ్ ప్రస్తుతం ఎలాంటి ఆలోచనతో ఉన్నారు... సినిమాలు చేయాలనుకుంటున్నారా... లేక తన పార్టీని బలోపేతం చేసి 2024 ఎన్నికలకు సమమాయత్తమవ్వడానికి ప్లాన్ చేసుకుంటున్నారా అనే చర్చ పబ్లిక్ లో జరుగుతోంది.
ఫిల్మ్ నగర్ సమాచారం మేరకు 'జనసేన' అధినేతగా ప్రజల కోసం పోరాడుతూనే, రాజకీయాల పరంగా తను వెనకడుగు వేసేదిలేదని జనాలకు చెప్పాలనే ఆలోచనలో ఉన్నారట. ప్రజలు 'జనసేన' పార్టీ గురించి ఆలోచించాలంటే, ముందు తను రాజకీయాల గురించి సీరియస్ గా ఉన్న విషయాన్ని జనాల్లోకి తీసుకెళ్లాలని భావిస్తున్నారట పవన్ కళ్యాణ్. అలా అని చిత్ర పరిశ్రమకు దూరమవ్వకుండా తన అభిమానులకు దగ్గరగా ఉండే ప్రయత్నాల్లో కూడా పవన్ కళ్యాణ్ ఉన్నట్టు తెలుస్తోంది.
సినిమాల్లో నటించడానికి ఆసక్తి కనబర్చని పవన్ కళ్యాణ్, నిర్మాతగా ముందుకు సాగాలని ఫిక్స్ అయ్యారట. తన సొంత బ్యానర్ పవన్ కళ్యాణ్ క్రియేటివ్ వర్క్స్ పై చిన్న సినిమాలు, మీడియం బడ్జెట్ సినిమాలను నిర్మించాలనుకుంటున్నారట పవన్ కళ్యాణ్. దీనికి సంబంధించి ఆల్ రెడీ వర్క్ జరుగుతోందని తెలుస్తోంది. సో... ఫుల్ క్లారటీతో పవన్ కళ్యాణ్ ముందుకు సాగుతున్నట్టు జరుగుతున్న పరిణామాలను బట్టి అర్ధం చేసుకోవచ్చు.