నివేదా పేతురాజ్ హీరోయిన్ గా సినిమాలు చేస్తూ బిజీగా ఉంది. ఇలాంటి సమయంలో హీరోకి చెల్లెలుగా నటించడం ఏంటనే షాక్ లో జనాలు ఉన్నారు. అయితే చెల్లెలు క్యారెక్టర్ కి ఉన్న ఇంపార్టెన్స్ వల్ల నివేదా ఆ సినిమా చేయడానికి అంగీకరించి ఉంటుందని ఫిల్మ్ నగర్ వర్గాలు మాట్లాడుకుంటున్నాయి. అసలు విషయంలోకి వెళితే...
అల్లు అర్జున్ హీరోగా త్రివిక్రమ్ శ్రీనివాస్ దర్శకత్వంలో తెరకెక్కుతోన్న సినిమాలో నివేదా పేతురాజ్ నటిస్తోంది. సెకండ్ లీడ్ కోసం నివేదా పేతురాజ్ ని తీసుకుని ఉంటారని అందరూ భావించారు. అయితే తాజా వార్తల ప్రకారం అల్లు అర్జున్ చెల్లెలుగా నివేదా నటిస్తోందట. సినిమాకి చాలా కీలకమైన పాత్ర కావడంతోనే నివేదా ఈ పాత్ర చేయడానికి అంగీకరించిందని తెలుస్తోంది. ఇంట్రస్టింగ్ క్యారెక్టర్స్ చేయడానికి ఇష్టపడే నివేదా ఈ పాత్ర చేయడానికి వెనుకాడలేదని సమాచారమ్. దీన్నిబట్టి చెల్లెలు పాత్రను త్రివిక్రమ్ ఏ రేంజ్ లో తీర్చిదిద్ది ఉంటారో ఊహించవచ్చు. ఏదేమైనా హీరోయిన్ పాత్రలే చేస్తాను అని చాలామంది హీరోయిన్లు పట్టుబట్టి కూర్చుంటారు. అలాంటిది క్యారెక్టర్ బాగుంటే చెల్లెలు క్యారెక్టర్ చేయడానికి కూడా వెనుకాడని నివేదా పేతురాజ్ ని అభినందించాల్సిందే కదా...!