కాజల్ అగర్వాల్ హీరోయిన్ గా నటించిన ఓ తమిళ సినిమా ఇటీవల విడుదలై వసూళ్ల పరంగా దుమ్ము దులిపేస్తోంది. తమిళ్ ఆడియన్స్ ఈ సినిమాకి జేజేలు కొడుతున్నారు. దాంతో ఈ సినిమా తెలుగు రీమేక్ రైట్స్ ని దక్కించుకోవడానికి మన టాలీవుడ్ నిర్మాతలు క్యూ కడుతున్నారు. ఇంతకీ కాజల్ హీరోయిన్ గా నటించిన ఆ సినిమా ఏంటీ అనే వివరాల్లోకి వెళితే...
'జయం' రవి హీరోగా తెరకెక్కిన 'కోమాలి'. చాలా సంవత్సరాల తర్వాత కోమా నుంచి బయటపడిన వ్యక్తి కథతో ఈ సినిమా తెరకెక్కింది. ఇటీవల విడుదలైన ఈ సినిమా మంచి వసూళ్లను రాబడుతోంది. మూడో వారంలోకి ఎంట్రీ ఇచ్చినప్పటికీ వసూళ్లు తగ్గకపోవడం విశేషం. దాంతో ఈ సినిమా తెలుగు రీమేక్ రైట్స్ ని దక్కించుకుని కాజల్ అగర్వాల్ నే హీరోయిన్ గా తీసుకుని ఓ స్టార్ హీరోతో ఈ సినిమా ప్లాన్ చేయాలనే ఆలోచనతో ఓ బడా నిర్మాత ఉన్నారట. మరి పైనల్ గా ఆ నిర్మాతకే ఈ సినిమా రీమేక్ రైట్స్ దక్కుతాయా... లేదా సినిమాకి నెలకొన్న డిమాండ్ నేపధ్యంలో వేరే ఏ నిర్మాత అయినా ఈ సినిమా దక్కించుకుంటారో వేచిచూడాల్సిందే.