మెగాస్టార్ చిరంజీవి సినిమా 'సైరా నరసింహారెడ్డి' ట్రైలర్ లాంఛ్ కార్యక్రమం ఐమాక్స్ లో అంగరంగ వైభవంగా జరిగింది. ఐమాక్స్ అధినేత రమేష్ ప్రసాద్ ఈ ట్రైలర్ లాంఛ్ కార్యక్రమంలో ముఖ్య అతిధిగా పాల్గొన్నారు. ఈ చిత్ర నిర్మాత, స్టార్ హీరో రాంచరణ్ 'సైరా' ట్రైలర్ ని విడుదల చేసారు. అనంతరం మీడియా సమావేశం జరిగింది.
అందులో భాగంగా ఈ సినిమాలో రాంచరణ్ నటించకపోవడానికి కారణమేంటీ అని మీడియా మిత్రులు అడిగిన ప్రశ్నకు... ఈ ప్రశ్న డైరెక్టర్ సురేందర్ రెడ్డిని అడగండి అంటూ చమత్కరించి, ఎందుకు నాకు ఈ సినిమాలో నటించే అవకాశం ఇవ్వలేదు అని సురేందర్ రెడ్డిని అడిగాడు రాంచరణ్. ''సైరా కి నిర్మాతగా వ్యవహరించడం చాలా పెద్ద బాధ్యత. ఇంత పెద్ద బాధ్యతను మోస్తున్న చరణ్ తో ఓ పాత్ర చేయించి, తనకు మరింత బాధ్యతను నెత్తిన పెట్టడం ఇష్టంలేక ఈ సినిమాలో చరణ్ తో నటింపజేయలేదు'' అని చెప్పాడు డైరెక్టర్ సురేందర్ రెడ్డి. అసలు విషయం అదన్నమాట... అందుకే చరణ్ 'సైరా' లో నటించలేదు.