విక్టరీ వెంకటేష్ ప్రస్తుతం తమిళ్ చిత్రం తెలుగు రీమేక్ 'అసురన్' లో హీరోగా నటిస్తున్న విషయం తెలిసిందే. శ్రీకాంత్ అడ్డాల దర్శకత్వంలో తెరకెక్కుతోన్న ఈ సినిమాని డి.సురేష్ బాబు నిర్మిస్తున్నారు.
కాగా తాజా వార్తల ప్రకారం ఈ సినిమాకి టైటిల్ ఖరారు చేసారనే వార్తలు వినిపిస్తున్నాయి.'నారప్ప' అనే టైటిల్ ని ఫిక్స్ చేయాలనుకుంటున్నారట. అయితే దీనికి సంబంధించి చిత్ర యూనిట్ నుంచి ఎలాంటి అధికారిక ప్రకటన రాలేదు. ఈ సినిమా షూటింగ్ అనంతపురంలో జరుగుతోంది. మరో నెలరోజుల పాటు అక్కడే షూటింగ్ జరగనుందని తెలుస్తోంది. ప్రియమణి ఈ సినిమాలో కథానాయికగా నటిస్తోంది.