నందమూరి నటసింహం బాలకృష్ణ, మాస్ డైరెక్టర్ బోయపాటి శ్రీను దర్శకత్వంలో తెరకెక్కనున్న సినిమాకి సంబంధించిన స్టోరీ లైన్ గురించి సోషల్ మీడియాలో పెద్ద ఎత్తున వార్తలు హల్ చల్ చేస్తున్నాయి. ఆ స్టోరీ లైన్ కి సంబంధించిన పూర్తి వివరాల్లోకి వెళితే...
బాలయ్య ఈ సినిమాలో ఆధ్యాత్మిక వేత్తగా కనిపించనున్నారట. ఈ పాత్రను బోయపాటి అద్భుతంగా తీర్చిదిద్దారని సమాచారమ్. ఆద్యాత్మిక వేత్తగా మారకముందు బాలయ్య పాత్ర చాలా పవర్ ఫుల్ గా ఉంటుందట. ఎమోషనల్ ఫ్లాష్ బ్యాక్ ఈ సినిమాకి ప్లస్ పాయింట్ కానుందనే వార్తలు కూడా వినిపిస్తున్నాయి. మొత్తం మీద నందమూరి అభిమానుల అంచనాలను మించే విధంగానే ఈ సినిమా స్టోరీ లైన్ ఉండబోతోందనే వార్తలు హల్ చల్ చేస్తున్నాయి. త్వరలో ఈ సినిమా షూటింగ్ ఆరంభంకానుంది. ఈ సినిమాలో శ్రీకాంత్ విలన్ గా నటించనున్నారని సమాచారమ్. ప్రస్తుతం హీరోయిన్లు, ఇతర నటీనటుల ఎంపిక జరుగుతోందట.