ఏ.ఆర్.మురుగదాస్ దర్శకత్వంలో మహేష్ బాబు హీరోగా తెరకెక్కిన సినిమా 'స్పైడర్'. ఈ సినిమాలో స్పై పాత్రను చేసాడు మహేష్ బాబు. మరోసారి ఇలాంటి పాత్రతో అలరించడానికి మహేష్ బాబు సమాయత్తమవుతున్నాడని తెలుస్తోంది. ఆ వివరాల్లోకి వెళితే...
'సరిలేరునీకెవ్వరు' సినిమాతో భారీ విజయాన్ని అందుకున్న సూపర్ స్టార్ మహేష్ బాబు ప్రస్తుతం తదుపరి సినిమా #SSMB27 పై దృష్టి సారించినట్టు తెలుస్తోంది. మహేష్ బాబు నెక్ట్స్ సినిమా వంశీ పైడిపల్లి దర్శకత్వంలో తెరకెక్కనుంది. ఈ ఇద్దరి కాంబినేషన్ లో తెరకెక్కిన 'మహర్షి' సినిమా మంచి విజయాన్ని అందుకుంది. రెండోసారి ఈ సక్సెస్ ఫుల్ కాంబినేషన్ రిపీట్ కానుంది. కాగా ఈ సినిమాలో మహేష్ బాబు స్పై రోల్ లో నటిస్తున్నాడని తెలుస్తోంది. ఈ పాత్రను వంశీ పైడిపల్లి అద్భుతంగా తీర్చిదిద్దాడట. 'స్పైడర్' సినిమా వర్కవుట్ అవ్వలేదు. ఫ్లాప్ సినిమాగా నమోదయ్యింది. ఈ నేపధ్యంలో మరోసారి స్పై పాత్ర చేయడానికి మహేష్ బాబు అంగీకరించడం విశేషం. ఏప్రిల్ నుంచి ఈ చిత్రం షూటింగ్ ఆరంభంకానుంది.