స్టైలిష్ స్టార్ అల్లు అర్జున్, క్రియేటివ్ డైరెక్టర్ సుకుమార్ దర్శకత్వంలో తెరకెక్కుతోన్న 'పుష్ప' సినిమాకి సంబంధించి ప్రచారమైన ఓ వార్త నిజంకాదని తేలిపోయింది. స్వయంగా ఆ నటుడు క్లారటీ ఇవ్వడంతో ఇక ఈ రూమర్ కి ఫుల్ స్టాప్ పడినట్టే. ఇంతకీ ఆ వార్త ఏంటీ... క్లారటీ ఇచ్చిన నటుడు ఎవరు అనే విషయంలోకి వెళితే...
ఈ సినిమాలోని అల్లు అర్జున్ సోదరుడు పాత్ర కోసం ఆది పినిశెట్టిని తీసుకున్నారనే వార్తలు వచ్చాయి. సినిమాకి ఈ పాత్ర కీలకం కావడంతో ఆది పినిశెట్టి వైపు డైరెక్టర్ మొగ్గుచూపినట్టు వార్తలు ప్రచారమయ్యాయి. 'రంగస్థలం'లో రాంచరణ్ అన్నయ్యగా నటించిన ఆది పినిశెట్టి, 'పుష్ప' లో కూడా అల్లు అర్జున్ అన్నయ్యగా నటించబోతున్నాడని సోషల్ మీడియాలో పెద్ద ఎత్తున వార్తలు వచ్చాయి.అయితే ఈ వార్తలో నిజంలేదని, తనను 'పుష్ప' కోసం ఎవ్వరూ అప్రోచ్ అవ్వలేదని స్వయంగా ఆది పినిశెట్టి క్లారటీ ఇచ్చాడు.
సో... 'పుష్ప' లో ఆది పినిశెట్టి నటించడంలేదని ఫిక్స్ అయిపోవచ్చు. మరి అల్లు అర్జున్ అన్నయ్య పాత్ర ఈ సినిమాలో ఉంటే... ఏ నటుడికి ఈ అవకాశం దక్కుతుందో వేచిచూద్దాం.