స్టైలిష్ స్టార్ అల్లు అర్జున్ తో స్టార్ డైరెక్టర్ కొరటాల శివ ఓ సినిమా చేయబోతున్నాడనే వార్తలు హల్ చల్ చేస్తున్న విషయం తెలిసిందే. 'ఆచార్య' తర్వాత ఈ సినిమా సెట్స్ పైకి వెళతుందని ఫిల్మ్ నగర్ టాక్. కాగా ఈ ప్రాజెక్ట్ కి కథ రెడీ అయ్యిందట. కొరటాల చెప్పిన స్టోరీ లైన్ కూడా అల్లు అర్జున్ కి బాగా నచ్చిందట.
కొరటాల చెప్పిన స్టోరీ లైన్ ప్రకారం ఈ సినిమాలో స్టూడెంట్ లీడర్ గా అలరించనున్నాడట అల్లు అర్జున్. సోషల్ మెసేజ్ తో మంచి పవర్ ఫుల్ రోల్ క్రియేట్ చేసినట్టు తెలుస్తోంది. ఆ పాత్రను కొరటాల తీర్చిదిద్దిన విధానం పట్ల అల్లు అర్జున్ ఫిదా అయిపోయినట్టు సమాచారమ్. ప్రస్తుతం ఫుల్ స్ర్కిఫ్ట్ రెడీ చేస్తున్నాడట. ఇదిలా ఉంటే...
ఈ సినిమాకి 'కారణజన్ముడు' టైటిల్ ని కొరటాల రిజిస్టర్ చేయించినట్టు తెలుస్తోంది. టైటిల్ చాలా పవర్ ఫుల్ గా ఉంది కదూ... టైటిల్ లానే సినిమా కూడా చాలా పవర్ ఫుల్లుగా ఉంటుందట.