అల్లరి నరేష్ ప్రస్తుతం చేస్తున్న సినిమా 'నాంది'. ఈ సినిమాపై వస్తున్న వార్తలు జనాల్లో చాలా ఆసక్తిని రేకెత్తిస్తున్నాయి. ప్రస్తుతం సోషల్ మీడియాలో ఓ వార్త హల్ చల్ చేస్తోంది. అదేంటంటే...
ఈ సినిమాలో అల్లరి నరేష్ నగ్నంగా కనిపించనున్నాడట. పోలీస్ స్టేషన్ లోని సన్నివేశాల్లో నరేష్ నగ్నంగా కనిపించనున్నట్టు తెలుస్తోంది. అలాగే ఈ సినిమాలో అల్లరి నరేష్ పాత్ర చనిపోతుందని, శాడ్ క్లయిమ్యాక్స్ తో ఈ సినిమా ఎండ్ అవుతుందని తెలుస్తోంది. ఈ వార్తలు వింటుంటే అల్లరి నరేష్ మరోసారి ప్రయోగాత్మక సినిమా చేస్తున్నాడని అర్ధం చేసుకోవచ్చు.
కామెడీ హీరోగా చాలా సినిమాల్లో నటించిన అల్లరి నరేష్ 'నేను', 'గమ్యం', విశాఖ ఎక్స్ ప్రెస్', 'శంభో శివ శంభో' లాంటి ఇంటెన్సివ్ సినిమాలు చేసాడు. మహేష్ బాబు 'మహర్షి' లో అల్లరి నరేష్ చేసిన పాత్రకు మంచి పేరు వచ్చింది. సోలో హీరోగా నరేష్ చేసిన కొన్నిసినిమాలు బాక్పాఫీస్ వద్ద ఫెయిల్ అవ్వడంతో అతను కెరీర్ ఆశాజనకంగా లేదు. ఇప్పుడు 'నాంది' తో హిట్ ట్రాక్ ఎక్కాలనే టార్గెట్ తో ఉన్నాడట నరేష్. మరి నరేష్ చేస్తున్న ఈ ప్రయోగం అతని కెరీర్ ని సక్సెస్ ట్రాక్ ఎక్కిస్తుందేమో వేచిచూద్దాం.