స్టైలిష్ స్టార్ అల్లు అర్జున్ హీరోగా క్రియేటివ్ డైరెక్టర్ సుకుమార్ దర్శకత్వంలో తెరకెక్కుతోన్న సినిమా 'పుష్ప'. ఈ సినిమా విడుదల తేదీని ఈ రోజు అఫీషియల్ గా ప్రకటించి అల్లు అర్జున్ అభిమానులను సర్ ప్రైజ్ చేసింది చిత్రం యూనిట్. శ‌ర‌వేగంగా షూటింగ్ జ‌రుపుకుంటున్న ఈ చిత్రాన్ని అన్ని కార్య‌క్ర‌మాలు పూర్తిచేసి తెలుగు, త‌మిళ, మ‌ళ‌యాల, క‌న్న‌డ మ‌రియు హింది భాష‌ల్లో అగ‌ష్టు 13న విడుదల చేయ‌టానికి డిసైడ్ అయినట్టు నిర్మాతలు ప్రకటించారు.
అలావైకుఠ‌పురంలో లాంటి ఇండ‌స్ట్రి హిట్ త‌రువాత స్టైలిష్ స్టార్ అల్లు అర్జున్ హీరోగా, రంగస్థలం లాంటి ఇండ‌స్ట్రిహిట్ త‌రువాత క్రియేటివ్ డైరెక్టర్ సుకుమార్ ద‌ర్శ‌క‌త్వం లో ఆర్య, ఆర్య2 చిత్రాల త‌రువాత హ్యాట్రిక్ చిత్రం గా తెర‌కెక్కుతున్న చిత్రం పుష్ప. ఈ చిత్రాన్ని వ‌రుస బ్లాక్‌బ‌స్ట‌ర్ చిత్రాలతో పవర్ ప్యాక్డ్ ప్రోడ‌క్ష‌న్ హౌస్ గా టాలీవుడ్ లో పేరుగాంచిన మైత్రీ మూవీ మేకర్స్ మరో నిర్మాణ సంస్ధ ముత్తంశెట్టి మీడియా తో క‌లిసి నిర్మిస్తున్నారు. ఈ చిత్రానికి సంబందించిన ప్ర‌తి అప్‌డేట్ సోష‌ల్ మీడియాలో ట్రెండింగ్ అవ‌టం విశేషం. టైటిల్, ఫ‌స్ట్ లుక్‌, షూటింగ్ అప్‌డేట్ లు కి వ‌చ్చిన క్రేజ్ వ‌రల్డ్ వైడ్ అల్లు అర్జున్ ఫ్యాన్స్ నే కాకుండా తెలుగు ప్రేక్ష‌కుల్ని కూడా విప‌రీతంగా ఆక‌ట్టుకున్నాయి.
ప్రస్తుతం ఆంధ్రప్రదేశ్ లోని తూర్పుగోదావరి జిల్లా మ‌న్య ప్రాంతం మారేడిమిల్లి డీప్ ఫారెస్ట్ లో పుష్ప షూటింగ్ శ‌ర‌వేగంగా జ‌రుగుతోంది. ఈ షూట్ షెడ్యూల్ లో స్టైలిష్ స్టార్ అల్లు అర్జున్ తో పాటు చిత్రంలో ఉన్న ఇతర తారాగణం పాల్గొంటున్నారు. ఈ చిత్రం లో పుష్పరాజ్ గా నటిస్తున్న అల్లు అర్జున్ సరసన రష్మిక కథానాయికగా నటిస్తోంది.
