త్రిషకు సెగ మొదలయ్యింది... కారణం వరుణ్?

వరుణ్ మణియన్ తో జరిగిన ఎంగేజ్ మెంట్ ని క్యాన్సిల్ చేసుకుని... ఐ యామ్ సింగిల్, ఐ యామ్ హ్యాపీ అంటూ ట్వీట్ చేసేసింది త్రిష. హ్యాపీ అని త్రిష ట్వీట్ చేసిన దగ్గర్నుంచి అమ్మడికి వరుణ్ వల్ల కొన్ని కష్టాలు ఎదురవుతున్నాయిని చెన్నయ్ వర్గాలు అంటున్నాయి. ముఖ్యంగా త్రిషకు ఓ సినిమా అవకాశం వరుణ్ మణియన్ వల్ల పోయిందనే వార్తలు ప్రచారం అవుతున్నాయి. ఆ వివరాల్లోకి వెళితే...

శింబు హీరోగా సెల్వరాఘవన్ ఓ చిత్రం చేయడానికి సన్నాహాలు చేస్తున్న విషయం తెలిసిందే. ఇందులో ఇద్దరు హీరోయిన్లు ఉంటారు. ఓ హీరోయిన్ గా త్రిష కన్ ఫార్మ్ అయ్యింది. రెండో హీరోయిన్ గా తాప్సీని తీసుకున్నారు. ఈ చిత్రంలోని కీలక పాత్ర కోసం జగపతిబాబును తీసుకున్నారు. ఇటీవలే శింబు, త్రిష, తాప్సీ ఫోటో షూట్ లో కూడా పాల్గొన్నారని సమాచారమ్. అయితే ఈ సినిమాకి వరుణ్ మణియన్ ఫండింగ్ చేస్తున్నాడట. ఈ నేపధ్యంలో త్రిషను వద్దని వేరే హీరోయిన్ ని తీసుకోమని సెల్వరాఘవన్ దగ్గర వరుణ్ మణియన్ చెప్పాడని సమాచారమ్. సెల్వరాఘవన్ తో సినిమాలు చేయడానికిగానీ, అతని సినిమాలకు ఫండింగ్ చేయడానికిగానీ ఎవ్వరూ ముందుకురావడంలేదు. అందుకని వరుణ్ మణియన్ చెప్పినట్టు సెల్వరాఘవన్ ఈ చిత్రం నుంచి త్రిషను తొలిగించాలని డిసైడ్ అయ్యాడట. సో... త్రిషకు సెగ మొదలయ్యినట్టేనని, అమ్మడికి చుక్కలు చూపించాలని వరుణ్ డిసైడ్ అయ్యాడని కోలీవుడ్ వర్గాలు గుసగుసలాడుకుంటున్నాయి. ఒకవేళ ఇదే కనుక నిజమైతే త్రిష రియాక్షన్ ఎలా ఉంటుందో?