చిరు 150వ చిత్రం కన్ ఫార్మ్..ఎక్స్ క్లూజివ్ డిటైల్స్!

విజయ్, సమంత జంటగా మురుగదాస్ దర్శకత్వంలో రూపొందిన తమిళ చిత్రం 'కత్తి' గత యేడాది దీపావళికి విడుదలై, భారీ వసూళ్లు సాధించి కొత్త రికార్డులను నెలకొల్పింది. ఈ చిత్రం తెలుగు డబ్బింగ్ హక్కులను ఫ్యాన్సీ రేటు ఇచ్చి 'ఠాగూర్' మధు దక్కించుకున్నారు. అయితే స్టార్ హీరోతో రీమేక్ చేస్తే బాగుంటుందని ఠాగూర్ మథు ఇప్పటివరకూ ఈ చిత్రాన్ని డబ్బింగ్ చేయలేదు. తాజా వార్తల ప్రకారం ఈ చిత్రం తెలుగు రీమేక్ హక్కులను మెగా పవర్ స్టార్ రాంచరణ్ దక్కించుకున్నాడని తెలుస్తోంది.

ఈ రీమేక్ హక్కులు తీసుకున్నది ఎవరి కోసమో కాదు... తన తండ్రి, మెగాస్టార్ చిరంజీవి హీరోగా ఈ చిత్రాన్ని రీమేక్ చేయాలని డిసైడ్ అయ్యాడట రాంచరణ్. ఇటీవలే చిరు ఈ చిత్రం చూసారట. చిరుకి బాగా నచ్చడంతో తెలుగు నేటివిటీకి సరిపడా మార్పులు చేయమని పరుచూరి బ్రదర్స్ కి చెప్పడం, వారు మార్పులు చేసిన స్ర్కిఫ్ట్ విని చిరు చాలా ఇంప్రెస్ అవ్వడం జరిగిందట. దాంతో ఈ చిత్రం రీమేక్ లో నటించడానికి చిరంజీవి పచ్చజెండా ఊపేసారని సమాచారమ్. త్వరలోనే అధికారికంగా రాంచరణ్ ఈ చిత్రం విషయాన్ని ప్రకటించబోతున్నాడని ఫిల్మ్ నగర్ టాక్. ఇదిలా ఉంటే...

ఈ చిత్రాన్ని హిందీలో రీమేక్ చేయడానికి సన్నాహాలు జరుగుతున్నాయని తెలుస్తోంది. బాలీవుడ్ కండలవీరుడు సల్మాన్ ఖాన్ ఈ చిత్రం రీమేక్ లో నటించడానికి పచ్చజెండా ఊపేసాడట. సల్మాన్ బావ అతుల్ అగ్రిహోత్రి ఈ చిత్రాన్ని మురగదాస్ దర్శకత్వంలో నిర్మించడానికి సమాయత్తమవుతున్నారట. చిరు, సల్మాన్ మధ్య చక్కటి అనుబంధం ఉంది. కాబట్టి ఈ ఇద్దరూ ఈ ప్రాజెక్ట్ గురించి చర్చించుకునే ఉంటారని ఊహింవచ్చు. హిందీ వెర్షన్ కి మురుగదాస్ దర్శకత్వం వహిస్తే, తెలుగు వెర్షన్ కి ఎవరు దర్శకత్వం వహిస్తారో వేచి చూడాల్సిందే.