ఖైదీ నెం150 కి ఐటమ్ గర్ల్ ఫిక్స్..ఎవరో తెలుసా?

ప్రస్తుతం ఫిల్మ్ నగర్ లో ఓ ఆసక్తికరమైన వార్త వినబడుతోంది. అదేంటంటే మెగాస్టార్ చిరంజీవి 150వ చిత్రం 'ఖైదీ నెం.150' లోని ఐటమ్ పాట కోసం ఓ హీరోయిన్ ని ఫిక్స్ చేసారని జనాలు చెప్పుకుంటున్నారు. ఆ హీరోయిన్ ఎవరో కాదు... స్టైలిష్ స్టార్ అల్లు అర్జున్ 'సరైనోడు' చిత్రంలో ఎమ్మెల్యేగా నటించిన క్యాథరీన్. ఈ సినిమాలో ఎమ్మెల్యేగా నటించి గ్లామర్ తో పాటు నటన పరంగా కూడా భేష్ అనిపించుకుంది క్యాథరీన్. మెగాభిమానులు ఈ అమ్మడికి బాగానే కనెక్ట్ అయ్యారు. దాంతో ఈ అమ్మడితోనే 'ఖైదీ నెం.150' కోసం ఐటమ్ పాటను చేయించాలని డైరెక్టర్ వి.వి.వినాయక్ ఫిక్స్ అయ్యారట. ఇందుకు మెగాస్టార్ కూడా గ్రీన్ సిగ్నల్ ఇచ్చినట్టు తెలుస్తోంది. ఐటమ్ పాటతో పాటు ఒకటి, రెండు సీన్లు కూడా ఉంటాయట. ఈ వార్తలో ఎంతవరకూ నిజముందో తెలీదుగానీ, ఇదే కనుక నిజమైతే క్యాథరీన్ కి బంపర్ ఆఫర్ దక్కిందని చెప్పొచ్చు. ఇదిలా ఉంటే...

ఇప్పటికే ఈ చిత్రానికి సంబంధించి సగం షూటింగ్ పూర్తయ్యింది. హీరోయిన్ కాజల్ అగర్వాల్ కూడా ఈ చిత్రం షూటింగ్ లో పాల్గొంటోంది. వచ్చే యేడాది సంక్రాంతి కానుకగా ఈ చిత్రాన్ని భారీగా విడుదల చేయడానికి సన్నాహాలు జరుగుతున్నాయి. తన తండ్రి ప్రతిష్టాత్మక చిత్రాన్ని ఎక్కడా కాంప్రమైజ్ అవ్వకుండా నిర్మిస్తున్నాడు రాంచరణ్. ఇప్పటికే విడుదల చేసిన ఈ చిత్రంలోని చిరు లుక్ కి పెద్ద ఎత్తున రెస్పాన్స్ వచ్చింది. 'బాస్ ఈజ్ బ్యాక్' అంటూ మెగాభిమానులు హల్ చల్ చేస్తున్నారు. మరి చాలా గ్యాప్ తర్వాత చేస్తున్న ఈ చిత్రం ద్వారా చిరు ఏ రేంజ్ విజయాన్ని అందుకుంటారో వేచి చూద్దాం.