నాగ్ తో కాదు.. చైతన్యతో ఎన్టీఆర్!

ఓసారి ష్లాష్ బ్యాక్ లోకి వెళదాం. అప్పట్లో మహానటులు ఎన్టీఆర్, ఏయన్నార్ కలిసి గుండమ్మ కథ, మిస్సమ్మ.. ఇలా పలు హిట్ చిత్రాల్లో నటించారు. తెలుగు సినిమాకి రెండు కళ్లయిన ఈ స్టార్స్ ఇద్దరూ ఎలాంటి భేషజాలకు పోకుండా మల్టీస్టారర్ మూవీస్ చేశారు. వీరి తర్వాతి తరంలో ఎన్టీఆర్ తనయుడు హరికృష్ణ, ఏయన్నార్ తనయుడు నాగార్జున కలిసి 'సీతారామరాజు'లో నటించారు. ఏన్టీఆర్, ఏయన్నార్ కాంబినేషన్ లానే ఈ ఇద్దరి కాంబినేషన్ కూడా పండింది. తనలానే రెండో తరానికి చెందిన హరికృష్ణతో కలిసి నటించిన నాగార్జున.. ఎన్టీఆర్ కుటుంబానికి చెందిన మూడో తరం నటుడు జూనియర్ ఎన్టీఆర్ తో కలిసి నటించడానికి సిద్ధపడిన విషయం తెలిసిందే. అయితే, ఈ చిత్రకథ సరిగ్గా కుదరలేదని, అందుకని ప్రస్తుతానికి పట్టాలెక్కే అవకాశం లేదని సమాచారం. ఈ నేపథ్యంలో మరో వార్త హల్ చల్ చేస్తోంది. అదేంటంటే.. జూనియర్ ఎన్టీఆర్, నాగచైతన్య కాంబినేషన్లో ఓ చిత్రం రూపొందనుందట. ఈ ఇద్దరితో విడివిడిగా సినిమాలు నిర్మించిన ఓ అగ్ర నిర్మాత ఈ ఇద్దరి కాంబినేషన్లో ఓ భారీ చిత్రం నిర్మించడానికి సన్నాహాలు చేస్తున్నాడట. వాస్తవానికి ఎన్టీఆర్, ఏయన్నార్ ల సూపర్ హిట్ చిత్రాల్లో ఒకటైన 'గండుమ్మ కథ'ను రీమేక్ చేస్తే బాగుంటుందని చాలామంది భావిస్తున్నారు. ఈ రీమేక్ లో నటించడానికి తమకెలాంటి అభ్యంతరం లేదని వేరే వేరు సందర్భాల్లో ఎన్టీఆర్, నాగచైతన్య పేర్కొన్నారు. మరి.. ఈ ఇద్దరి కాంబినేషన్లో సదరు నిర్మాత ప్లాన్ చేస్తున్నది 'గుండమ్మ కథ' రీమేకా లేక వేరే ఏదైనా చిత్రమా? అసలీ ఇద్దరి కాంబినేషన్ ఉంటుందా? అనేది కాలమే చెప్పాలి.

NTR, Naga Chaitanya in a movie