మాజీ హీరో కొడుకుతో హీరోయిన్ లవ్

మాజీ హీరో కార్తీక్ అందరికీ గుర్తుండే ఉంటుంది. అభినందన, ఘర్షణ తదితర చిత్రాల ద్వారా తెలుగులోనూ అభిమానులను సంపాదించుకున్నాడు కార్తీక్. ఆ మధ్య కల్యాణ్ రామ్ హీరోగా రూపొందిన 'కత్తి'లో కీలక పాత్ర చేశాడు. కాగా, కార్తీక్ కొడుకు గౌతమ్ కార్తీక్ 'కడలి' చిత్రం ద్వారా కథానాయికునిగా పరిచయమైన విషయం తెలిసిందే. ఆ చిత్రం ఆశించిన ఫలితం సాధించకపోయినప్పటికీ గౌతమ్ కి మంచి పేరొచ్చింది. ప్రస్తుతం గౌతమ్ నటిస్తున్న చిత్రాల్లో రజనీకాంత్ కుమార్తె ఐశ్వర్య దర్శకత్వం వహిస్తున్న 'వై రాజా వై' ఒకటి. ఇందులో ప్రియా ఆనంద్ కథానాయికగా నటిస్తోంది. ఈ షూటింగ్ లొకేషన్లో ఈ ఇద్దరూ చాలా క్లోజ్ గా ఉంటున్నారట. ఆ విషయానికొస్తే...

Ex-hero son in love with heroine

ఈ సినిమాలో గౌతమ్, ప్రియా ఆనంద్ మధ్య మంచి రొమాంటిక్ సన్నివేశాలు ఉన్నాయట. ఈ సీన్స్ లో గౌతమ్, ప్రియా ఆనంద్ చాలా ఇన్ వాల్వ్ అయి నటించిన వైనం చూసి, ఇద్దరి మధ్య రియల్ గా ఏదో ఉంది కాబట్టే, అంతలా నటించారని చెప్పుకుంటున్నారు. ఈ మాటలు విని ప్రియా ఆనంద్ మండిపడుతోంది. ఆ మధ్య హీరో అథర్వకూ, నాకూ మధ్య ఏదో ఉందని ప్రచారం చేశారు. ఇప్పుడేమో గౌతమ్, నాకూ మధ్య ఏదో ఉందని చెప్పుకుంటున్నారు. కానీ, ఈ వార్తలో నిజం లేదని ప్రియా ఆనంద్ అంటోంది. ఈ మాటలు విన్నవాళ్లు ప్రేమలో పడ్డ వాళ్లు ఇలానే అంటుంటారనీ, నిప్పు లేనిదే పొగ ఎందుకు వస్తుందనీ అంటున్నారు. పాయింటే కదా.