నిర్మాత సేఫ్టీయే నాకు ముఖ్యం: అవసరాల శ్రీనివాస్

నటుడిగా అవసరల శ్రీనివాస్ కి మంచి గుర్తింపు ఉంది. తనలో మంచి దర్శకుడు కూడా ఉన్నాడని నిరూపించుకోవడానికి సిద్ధమయ్యారు. తొలి ప్రయత్నంగా శ్రీనివాస్ దర్శకత్వం వహించిన 'ఊహలు గుసగుసలాడే' చిత్రం ఈరోజు విడుదలైంది. వారాహి చలన చిత్రమ్ సంస్థపై సాయి కొర్రపాటి నిర్మించిన ఈ చిత్రం ప్రమోషన్ పరంగా ఇటీవల సంచలనం సృష్టించింది. సినిమాపై కూడా భారీ అంచనాలున్నాయి. ఇక.. అవసరాల శ్రీనివాస్ మనోభావాలు తెలుసుకుందాం...

'ఊహలు గుసగుసలాడే' చిత్రం ఎలా ఆరంభమైంది?

ఏడాది క్రితం సాయిగారికి ఈ కథ వినిపించాను. ఆయనకు బాగా నచ్చింది. అక్టోబర్ లో షూటింగ్ ఆరంభించాం. ఇదొక అందమైన రొమాంటిక్ కామెడీ మూవీ. వారాహి చలన చిత్రమ్ సంస్థ చాలా ప్రతిష్టాత్మకమైనది. ఈ సంస్థ ద్వారా నేను దర్శకుడు కావడం చాలా ఆనందంగా ఉంది.

సాయి కొర్రపాటికి చెప్పే ముందు ఈ కథను వేరే ఎవరి దగ్గరైనా చెప్పారా?

కొంతమంది నిర్మాతల దగ్గర చెప్పాను. వారికి నచ్చింది. కానీ, ఎందుకో కుదర్లేదు. చివరికి సాయిగారు ముందుకొచ్చారు. ఒకరకంగా చెప్పాలంటే ఈ సంస్థలో ఈ సినిమా చేయడం మంచిదే అయ్యింది. ఎందుకంటే, కొత్త దర్శకులందరికీ ఇలాంటి సంస్థలు దొరకవు. సినిమా చేయడమే పెద్ద ఎత్తు అయితే.. ప్రమోషన్.. విడుదల అన్నీ కష్టమవుతాయి. కానీ, నాకా ప్రాబ్లమ్ రాలేదు. సాయిగారు బాగా ప్రమోట్ చేశారు. అనుకున్న సమయానికి సినిమాని విడుదల చేశారు.

ఈ సినిమా కథ ఏంటి?

à°“ టీవీ చానల్ స్టూడియో నేపథ్యంలో జరిగే à°•à°¥ ఇది. న్యూస్ రీడర్ కావాలనే ఆశయంతో ఉంటాడు హీరో.అతనికో అమ్మాయి పరిచయం అవుతుంది. à°† తర్వాత అతని జీవితం ఎలాంటి  à°®à°²à±à°ªà± తీసుకుంటుంది? అనే కథాంశంతో సినిమా ఉంటుంది.

దీనికి 'ఊహలు గుసగుసలాడే' టైటిల్ అనుకోవడానికి కారణం?

వాస్తవానికి 40, 50 టైటిల్స్ అనుకున్నాం. సినిమా షూటింగ్ పూర్తయ్యి, ఎడిటింగ్ దశకు వచ్చేవరకు టైటిల్ ఖరారు చేయలేదు. ఒకసారి సాయి కొర్రపాటిగారు టైటిల్ కన్ ఫార్మ్ చేసేద్దాం అన్నారు. ఆ సమయంలో పాత పాటలు వింటున్నాను. వాటిలో 'బందిపోటు'లోని 'ఊహలు గుసగుసలాడే..' పాట ఒకటి. మాది రొమాంటిక్ కామెడీ మూవీ కాబట్టి, కధకు కూడా కనెక్ట్ అవుతుంది. అందుకే, ఆ టైటిల్ పెట్టాం.

దర్శకునిగా మొదటి సినిమాని రొమాంటిక్ కామెడీ నేపథ్యంలో చేయడానికి కారణమేదైనా ఉంది?

మొదటి సినిమాకి ఈ జానర్ సేఫ్ అనిపించి, చేశాను. 'శ్రీనివాస్ అవసరాల మంచి సినిమా తీశాడు కానీ, నిర్మతకే డబ్బులు రాలేదు' అనిపించుకోవడం నాకే మంచిది కాదు. అందుకే, సేఫ్ జానర్ ని ఎంచుకున్నాను.

ఈ చిత్రంలో మీరు కూడా ఓ పాత్ర చేశారు..?

స్టూడియో ఓనర్ గా చేశాను. నిజానికి ఈ పాత్రను వేరేవాళ్లతో చేయించమన్నారు సాయి కొర్రపాటిగారు. దర్శకునిగా నాకిది తొలి సినిమా కాబట్టి, రెండు బాధ్యతలు ఎందుకు? అనుకున్నారు. కానీ, నాలుగైదు రోజులు షూటింగ్ చూసి, నేను సెటిల్డ్ గా చేస్తున్నానని ఆయనకు నమ్మకం కుదిరింది. అందుకే, నేనే ఈ పాత్ర చేస్తానంటే కాదనలేదు.

ఇకనుంచి నటుడిగానా? లేక దర్శకత్వం వైపేనా?

ఫలానా శాఖకి పరిమితం కావాలని అనుకోవడంలేదు. మంచి ఫీల్ గుడ్ మూవీలో నటించే అవకాశం వస్తే, అది చేస్తా. మంచి సినిమాకి దర్శకత్వం వహించే అవకాశం వస్తే, అది చేస్తా. నటన, డైరెక్షన్.. ఏం చేసినా 'గుడ్ మూవీ'లో భాగస్వామ్యం కావాలన్నదే నా ఆశయం.

Avasarala Srinivas Speaka about Oohalu Gusagusaladae