'కొత్త జంట' రివ్వ్యూ

చిత్రం - కొత్త జంట

బ్యానర్ - గీతా ఆర్ట్స్

నటీనటులు: అల్లు శిరీష్, రెజీనా, మధురిమ, పోసాని కృష్ణమురళి, ఆహుతి ప్రసాద్, సప్తగిరి తదితరులు

సంగీతం: జె.బి

కెమెరా: రిచర్డ్ ప్రసాద్

ఎడిటింగ్: అశోక్ కురుబా

నిర్మాత: బన్నీ వాసు

సమర్పణ - అల్లు అరవింద్

దర్శకత్వం: మారుతి

'గౌరవం' చిత్రం ద్వారా హీరోగా పరిచయమైన అల్లు వారసుడు అల్లు శిరీష్ ని తొలి చిత్రం సక్సెస్ పరంగా అసంతృప్తి మిగిల్చింది. ఆ చిత్రంలో వాణిజ్య అంశాలు లేకపోవడంవల్లే ఆశించిన ఫలితం ఇవ్వలేదని శిరీష్ పేర్కొన్నాడు. 'కొత్త జంట'లో మాత్రం కమర్షియల్ ఎలిమెంట్స్ మెండుగా ఉన్నాయని అన్నాడు శిరీష్. 'ఈరోజుల్లో'తో దర్శకునిగా కెరీర్ ఆరంభించి, సక్సెస్ ఫుల్ అనిపించుకున్నమారుతికి 'బూతు దర్శకుడు' అనే ఇమేజ్ పడింది. ఈ నేపథ్యంలో అల్లు శిరీష్ తో చేసిన 'కొత్త జంట' నీటుగా ఉంటుందా? లేక మారుతి మార్కు తో బూతుతో సాగుతుందా? ఈ మలి చిత్రం శిరీష్ కి మంచి అనుభూతిని మిగులుస్తుందా?.. తెలుసుకుందాం.

à°•à°¥

శిరీష్ (అల్లు శిరీష్) చిన్నప్పట్నుంచి చాలా స్వార్ధపరుడు. ప్రతి విషయాన్ని చాలా స్వార్ధంగా ఆలోచిస్తాడు. సువర్ణది కూడా శిరీష్ లానే చాలా స్వార్ధంతో కూడుకున్న మెంటాలిటీ. కాకపోతే శిరీష్ తో ప్రేమలో పడిన తర్వాత తన స్వార్ధాన్ని పక్కన పెట్టి, అతని గురించి కూడా ఆలోచిస్తుంది. కానీ శిరీష్ ఇందుకు భిన్నంగా ప్రేమను కూడా స్వార్ధంతో చూస్తాడు. దాంతో సువర్ణ మనసు చాలా గాయపడుతుంది. ఎలాగైనా శిరీష్ ని తన దారికి తెచ్చుకోవాలని ప్రయత్నిస్తుంది సువర్ణ. కానీ అతనిని à°…à°‚à°¤ సులువుగా మార్చడం  à°…య్యే పనికాదని తెలుసుకుని చాలా బాధపడిపోతుంది. మరి శిరీష్ తన ప్రవర్తన మార్చుకుని సువర్ణ దారికి వస్తాడా? శిరీష్ à°•à°¿ సువర్ణ దగ్గరవుతుందా తదితర విషయాలు తెలుసుకోవాలంటే 'కొత్త జంట' చూడాల్సిందే.

ఫిల్మీబజ్ విశ్లేషణ

నటీనటులు

తొలి సినిమా 'గౌరవం' లో నటన పరంగా అల్లు శిరీష్ చాలా విమర్శలు ఎదుర్కొన్నాడు. రెండో సినిమాకి అతను నటన పరంగా మెరుగవ్వాల్సిందేనని, లేకపోతే అతను హీరోగా నిలదొక్కుకోవడం కష్టమని విమర్శలు వచ్చాయి. రెండో సినిమా 'కొత్త జంట' లో అల్లు శిరీష్ నటన పరంగా కొంచెం ఫర్వాలేదనిపించుకున్నాడు. వాస్తవం మాట్లాడాలంటే.. నటనపరంగా శిరీష్ లోపాలను బాగానే కవర్ చేశారనే చెప్పాలి. అతనిపై క్లోజప్ షాట్స్ పడకుండా జాగ్రత్త తీసుకున్నారు దర్శకుడు, ఛాయాగ్రాహకుడు. హావభావాల పరంగా, డైలాగ్స్ పరంగా శిరీష్ ఇంకా చాలా కేర్ తీసుకోవాలి. అందచందాలు, అభినయంపరంగా రెజీనా మంచి మార్కులు కొట్టేసింది. సప్తగిరి బాగా నవ్వించాడు. మిగిలిన నటీనటులు తమ పాత్రల పరిధి మేరకు నటించారు.

సాంకేతిక వర్గం

బూతుకి కేరాఫ్ మారుతి అన్న చందంగా అతని గత చిత్రాలు సాగాయి. ఆ ఇమేజ్ నుంచి బయటపడాలనే ఆలోచనతోనే ఏమో ఈ సినిమాలో ఒకటి అరా మినహా బూతులు దొర్లనివ్వలేదు. కుటుంబ సమేతంగా చూడదగ్గ విధంగానే ఈ సినిమాని తీశాడు. సాంకేతికంగా సినిమా బాగుంది. కెమెరా, ఎడిటింగ్ పరంగా వంక పెట్టడానికి లేదు. పాటలు ఓకే. రీమిక్స్ సాంగ్ 'ఇటు అమలాపురం..' ఆకట్టుకుంది.

ఫైనల్ à°—à°¾ చెప్పాలంటే.. టైటిల్ లో  'కొత్త' ఉంది కదా అని ఇది కొత్త à°°à°•à°‚ సినిమా అనుకుంటే తప్పులో కాలేసినట్లే. ఇది రొటీన్ లవ్ స్టోరీ. స్ర్కీన్ ప్లే అంతంత మాత్రంగా ఉంది. ఇది పరమ రొటీన్ సినిమానే అయినా కాసేపు కాలక్షేపం కోసం చూసేయొచ్చు.