ఆరేళ్లు... తొమ్మిది సినిమాలు.. చైతూ జోరు బాగుంది

తాత అక్కినేని నాగేశ్వరరావు గొప్ప నటుడు. దేవదాసు, విప్రనారాయణ, మేఘ సందేశం.. ఇలా చెప్పుకుంటూ పోతే నటుడిగా ఆయన విజృంభించిన చిత్రాలు చాలానే ఉన్నాయి.

తండ్రి అక్కినేని నాగార్జున.. తన తండ్రికి తగ్గ తనయుడు అని నిరూపించుకున్నాడు. జానకి రాముడు, గీతాంజలి, శివ, అన్నమయ్య, శ్రీరామదాసు... ఇలా చెప్పుకుంటూ పోతే నటుడిగా నాగ్ విజృంభించిన చిత్రాలు చాలానే ఉన్నాయి. ఇక.. అక్కినేని మూడో తరం నటుడు 'నాగచైతన్య' వంతు వచ్చేసింది. తాత, తండ్రికి తగ్గవాడు అనిపించుకుంటాడా? అనే చర్చలు, ఖచ్చితంగా నిరూపించుకుంటాడు అనే అంచనాల నడుమ 'జోష్' ద్వారా కథానాయికగా పరిచయం అయ్యాడు చైతూ.

లవర్ బోయ్ మాత్రమే కాదు.. మాస్ హీరో కూడా...

తొలి చిత్రం ఆశించని ఫలితం ఇవ్వలేదు. కానీ, నటుడిగా నాగచైతన్య భేష్ అనిపించుకున్నాడు. ఆ వెంటనే చేసిన 'ఏ మాయ చేశావె' తనలో మంచి లవర్ బోయ్ ఉన్న విషయాన్ని నిరూపించింది. ఆ తర్వాత చేసిన '100% లవ్' చిత్రం ఆ ఇమేజ్ ని క్యారీ చేసింది. ఈసారి చైతూ మాస్ సినిమా చేయాలనుకున్నాడు. 'దడ' ఒప్పుకున్నాడు. ఈ చిత్రం జయాపజయాల సంగతి ఎలా ఉన్నా మాస్ కారెక్టర్లు బాగానే చేయగలడని నిరూపించుకున్నాడు. ఆ తర్వాత బెజవాడ, తడాఖా.. ఇలా లవ్, మాస్ మూవీస్ చేస్తున్నాడు నాగ్.

'మనం'లో మరో కోణం

ఒక మంచి పాత్ర పడితే చైతు ఎంత బాగా నటిస్తాడో చెప్పడానికి 'మనం' ఓ ఉదాహరణ. రెండు భిన్న కోణాలున్న పాత్రను ఆ చిత్రంలో అద్భుతంగా చేశాడు చైతు. నటునిగా తనలో పరిణతి కనిపించింది. ఈ మధ్య విడుదలైన 'ఒక లైలా కోసం'లో కూడా బాగా నటించాడు.

ఆరేళ్లు... తొమ్మిది సినిమాలు. ఇది చైతూ ట్రాక్ రికార్డ్. ప్రస్తుతం సుధీర్ వర్మ దర్శకత్వంలో చైతూ ఓ చిత్రంలో హీరోగా నటిస్తున్నాడు. వరుసగా సినిమాలు చేస్తూ ముందుకు వెళుతున్న ఈ హీరో మరెన్నో పుట్టినరోజులు జరుపుకోవాలని, ఎన్నో విజయాలు సాధించాలని 'ఫిల్మీబజ్.కామ్' మనస్ఫూర్తిగా కోరుకుంటోంది. ప్రస్తుతం సుధీర్ వర్మ దర్శకత్వంలో చైతూ ఓ చిత్రంలో హీరోగా నటిస్తున్నాడు. వరుసగా సినిమాలు చేస్తూ ముందుకు వెళుతున్న ఈ హీరో మరెన్నో పుట్టినరోజులు జరుపుకోవాలని, ఎన్నో విజయాలు సాధించాలని 'ఫిల్మీబజ్.కామ్' మనస్ఫూర్తిగా కోరుకుంటోంది.

Naga Chaitanya Birthday special matter