త్రిష విషయం బుధవారం బట్టబయలు!

'ఏ మాయ చేశావె' చిత్రంలో జెస్సీగా సమంత అభినయాన్ని ఎవరూ మర్చిపోలేరు. ఆ తర్వాత తను ఎన్నిపాత్రలు చేసినా జెస్సీ పాత్రకు వచ్చినంత పేరు రాలేదు. ఇదే పాత్రను తమిళ 'విన్నైత్తాండి వరువాయా'లో త్రిష చేసింది. ఓ పదేళ్ల కెరీర్ తర్వాత జెస్సీ పాత్రలో ఫ్రెష్ గా కనిపించడం అంటే చిన్న విషయం కాదు. కానీ, అదే మొదటి సినిమానేమో అన్నంతగా త్రిష ఆ పాత్రలో ఒదిగిపోయింది. అంతటి మంచి పాత్ర ఇచ్చిన దర్శకుడు గౌతమ్ మీనన్ కి ధన్యవాదాలు కూడా తెలిపింది త్రిష. మళ్లీ గౌతమ్ దర్శకత్వంలో సినిమా చేసే అవకాశం వస్తే వదులుకోకూడదని ఫిక్స్ అయ్యిందట. ఆ అవకాశం వచ్చిందని సమాచారం. అజిత్ హీరోగా గౌతమ్ దర్శకత్వంలో ఓ చిత్రం రూపొందనుంది. ఈ బుధవారం ఈ సినిమా ప్రారంభం కానుంది. ఇందులో అనుష్కను కథానాయికగా తీసుకున్నారు. ఇంకో నాయికగా త్రిషను ఎంపిక చేశారన్నది తాజా సమాచారం. మరో రెండు రోజుల్లో ఈ సినిమాలో త్రిష ఉందా? లేదా అనే విషయం బట్టబయలైపోతుంది. గౌతమ్ మీనన్ సినిమా అంటే త్రిషకు ఇష్టం. ఇక, అజిత్ సరసన అంటే అస్సలు వదులుకోదు. ఆల్రెడీ ఆ మధ్య 'మంగాత్తా' సినిమాలో అజిత్ సరసన చేసింది. కానీ, తాజా సినిమాలో ఆల్రెడీ అనుష్క ఓ హీరోయిన్ కాబట్టి... ఆమె పాత్రకు ధీటుగా తన పాత్ర ఉండాలని త్రిష కోరుకోవడం సహజం. మరి.. త్రిషను గౌతమ్ నాయికగా తీసుకున్నాడా? ఒకవేళ తీసుకుంటే అనుష్క, త్రిషల పాత్రలకు కథలో సమాన ప్రాధాన్యం ఉంటుందా? అనే చర్చ జరుగుతోంది.