ఐటమ్ సాంగ్ కి సై అన్న నయనతార!

తమిళంలో శింబు, ఉదయనిధి సరసన సినిమాలు చేస్తున్న నయనతార తెలుగులో అవకాశాలు దక్కించుకోవడానికి విశ్వ ప్రయత్నాలు చేస్తోందట. 'అనామిక' చిత్రం ప్రచార కార్యక్రమాల్లో పాల్గొనకపోవడంతో 'టూ మచ్' అని ఇక్కడివారు అంటున్నారు. సినిమాలో నటించడంవరకే తన బాధ్యత అని, ప్రమోషన్ తనకు సంబంధం లేదని ఖరాకండిగా వ్యవహరిస్తున్న నయనతారను పక్కన పెట్టాని కొందరు తెలుగు దర్శక, నిర్మాతలు అనుకున్నారట. ఇలా జరుగుతుందని ఊహించని నయనతార ఖంగు తిందట. ఈ పరిణామంతో ఇకనుంచైనా తన పద్ధతిని మార్చుకుంటుందని పరిశీలకులు భావిస్తున్నారు. ఇదిలా ఉంటే నయనతార ఓ సినిమాలో ఐటమ్ సాంగ్ కి కాలు కదపడానికి గ్రీన్ సిగ్నల్ ఇచ్చిందట. మామూలుగా ఐటమ్ సాంగ్స్ కి దూరంగా ఉండే నయనతార ఈ పాటకి గ్రీన్ సిగ్నల్ ఇవ్వడానికి కారణం ఇది రజనీకాంత్ సినిమా కావడమే. రజనీ హీరోగా కె.యస్. రవికుమార్ దర్శకత్వంలో 'లింగా' చిత్రం రూపొందుతున్న విషయం తెలిసిందే. ఇందులో ఉన్న ఐటమ్ సాంగ్ కి అడగ్గానే నయనతార కాదనుకుండా ఓకే చెప్పేసిందట. రజనీ సరసన 'శివాజీ' , 'కథానాయకుడు' చిత్రాల్లో ఐటమ్ సాంగ్స్ కి నర్తించింది నయనతార. రజనీ సరసన చేసిన 'చంద్రముఖి' కథానాయికగా తన కెరీర్ కి మంచి బ్రేక్ అయ్యిందనే కారణంగానే ఆయన సినిమాల్లో ఐటమ్ సాంగ్స్ కి నయనతార గ్రీన్ సిగ్నల్ ఇస్తోందని ఊహించవచ్చు. ఇప్పడు లింగా'కి కూడా ఆ కారణంగానే సై చెప్పి ఉంటుందేమో.