రకుల్ ఎందుకు అలా చేసింది... ఆమె డెసిషన్ కరెక్టేనా?

'ఎన్టీఆర్ - కథానాయకుడు' సినిమాలో శ్రీదేవి పాత్ర కోసం షూటింగ్ లో పాల్గొన్న రకుల్ ప్రీత్ సింగ్ తదుపరి సినిమా 'వెంకీ మామ'తో బిజీ అవ్వబోతోంది. ఈ సినిమా కోసం నాగచైతన్యతో రొమాన్స్ చేయబోతోంది రకుల్. 'స్పైడర్' తర్వాత రకుల్ తెలుగు సినిమాలు కమిట్ అవ్వలేదు.ఇప్పుడు మళ్లీ వరుసగా తెలుగు సినిమాలు కమిట్ అవుతోంది. అయితే ఇటీవల తనకు వచ్చిన ఓ ఆఫర్ ని తిరస్కరించిందని తెలుస్తోంది. ఎందుకు రకుల్ ఈ ఆఫర్ ని తిరస్కరించిందనే చర్చ పెద్ద ఎత్తున జరుగుతోంది. ఇంతకీ రకుల్ తిరస్కరించిన ఆ ఆఫర్ ఏంటీ అనే వివరాల్లోకి వెళితే...

మెగా పవర్ స్టార్ రాంచరణ్ హీరోగా మాస్ డైరెక్టర్ బోయపాటి శ్రీను దర్శకత్వంలో తెరకెక్కుతోన్న #RC12 చిత్రం కోసం రకుల్ ని ఐటమ్ సాంగ్ చేయమని అడిగారట. కానీ ఈ ఆఫర్ ని రకుల్ తిరస్కరించిందని తెలుస్తోంది. బోయపాటి దర్శకత్వంలో తెరకెక్కిన 'సరైనోడు', 'జయ జానకి నాయక' చిత్రాల్లో హీరోయిన్ గా నటించింది. రాంచరణ్ సరసన 'బ్రూస్ లీ' సినిమాలో నటించింది. కాబట్టి *RC12 లో ఐటమ్ పాటకు నో చెబుతుందని ఎవ్వరూ ఊహించరు. కానీ చెప్పింది. ఎందుకంటే ప్రస్తుతం తెలుగులో రకుల్ కి మంచి ఆఫర్స్ రావడంలేదు. ఈ సమయంలో ఐటమ్ పాటలు చేస్తే... అవే ఆఫర్స్ వస్తాయని, అది తన కెరియర్ మీద ఎఫెక్ట్ చూపిస్తుందని భావించిన రకుల్ ఐటమ్ సాంగ్ ఆఫర్ ని తిరస్కరించిందట. ఇందులో నిజం లేకపోలేదు. అందుకే రకుల్ జాగ్రత్తగా అడుగులు వేస్తోందని చెప్పొచ్చు.