బంపర్ ఆఫర్ ని తిరస్కరించిన కొరటాల శివ.. ఎందుకో తెలుసా!

రాజకీయాలు ఎలా ఉండాలి, ఓ ముఖ్యమంత్రి ఎలా ఉండాలి అనే విషయాన్ని 'భరత్ అనే నేను' చిత్రం ద్వారా చక్కగా ఆవిష్కరించాడు డైరెక్టర్ కొరటాల శివ. ఈ సినిమా చూసిన తర్వాత రాజకీయాల పరంగా కొరటాల శివకు చాలా అవగాహన ఉందనే విషయం స్పష్టమవుతుంది. రాజకీయనాయకులకు కూడా ఈ విషయం బాగా అర్ధమైనట్టుంది. ఓ రాజకీయ పార్టీకి చెందిన నేతలు కొరటాల శివను తమ పార్టీ కోసం వాడుకోవడానికి పావులు కదుపుతున్నారట. 2019 లో ఎలాగైనా ఆంధ్రప్రదేశ్ లో అధికారం చేజిక్కించుకోవాలని తహతహలాడుతున్న ఈ రాజకీయపార్టీ అధినేత కొరటాలతో తమ నేతలకు మీటింగ్ ఏర్పాటు చేస్తున్నారట. ఎందుకూ అనుకుంటున్నారా...

తమ పార్టీ ప్రచారం కోసం కొన్ని యాడ్స్ షూట్ చేసి పెట్టాల్సిందిగా వారు కోరుతున్నారట. ఇందుకోసం భారీగా పారితోషికం ముట్టజెబుతామని అంటున్నారట. పవర్ ఫుల్ గా యాడ్స్ క్రియేట్ చేయగల సత్తా కొరటాలకు ఉందని, ఈ యాడ్స్ జనాల మనసుల్లోకి చొచ్చుకుపోయేలా చేస్తే, తమ పార్టీకి బాగా కలిసొస్తుందని భావిస్తున్నారట. కానీ ఈ బంపర్ ఆఫర్ ని కొరటాల శివ తిరస్కరించాడని తెలుస్తోంది. ఆ పార్టీ కోసం వర్క్ చేస్తే... ఆ పార్టీ సానుభూతిపరుడనే ముద్ర తనపై పడుతుందని భావిస్తున్నాడట కొరటాల. అలా ఓ పార్టీకి చెందినవాడుగా తనపై ముద్రపడటం మంచిదికాదని ఫిక్స్ అయిన కొరటాల ఈ భారీ ఆఫర్ ని తిరస్కరించాడని సమాచారమ్. సో... కొరటాల ప్రతి విషయంలోనూ చాలా క్లారటీగా ఉంటాడని దీన్నిబట్టి అర్ధం చేసుకోవచ్చు.